ചൈല്‍ഡ് റെസ്‌ക്യു ഓഫീസര്‍ ഒഴിവ്

വനിതാ ശിശു വികസനവകുപ്പിന്റെ കീഴില്‍ മിഷന്‍ വാത്സല്യയുടെ ഭാഗമായി ജില്ലാ അടിസ്ഥാനത്തില്‍ പ്രവര്‍ത്തിക്കുന്ന ആലപ്പുഴ ജില്ലാ ശിശു സംരക്ഷണ യൂണിറ്റില്‍ കാവല്‍ പ്ലസ് 'ശരണബാല്യം' പദ്ധതി ചൈല്‍ഡ് റെസ്‌ക്യു ഓഫീസര്‍ തസ്തികയിലേക്ക് ഒരു വര്‍ഷത്തേക്ക് കരാര്‍ അടിസ്ഥാനത്തില്‍ നിയമനം നടത്തുന്നതിന് അപേക്ഷ ക്ഷണിച്ചു. ഒരു ഒഴിവാണുള്ളത്. യോഗ്യത എംഎസ്ഡബ്ല്യു അല്ലെങ്കില്‍ എംഎ സോഷ്യോളജി. കുട്ടികളുടെ മേഖലയില്‍ പ്രവര്‍ത്തനപരിചയമുള്ളവര്‍ക്ക് മുന്‍ഗണന ലഭിക്കും. പ്രതിമാസ ഓണറേറിയം 20000 രൂപയായിരിക്കും. പ്രായം 2024 നവംബര്‍ 01 ന് 40 കവിയരുത്. ആലപ്പുഴ ജില്ലക്കാര്‍ക്ക് മാത്രമാണ് അപേക്ഷിക്കാന്‍ അവസരം.
യോഗ്യരായ ഉദ്യോഗാര്‍ഥികള്‍ നിശ്ചിതമാതൃകയിലുള്ള അപേക്ഷ ബയോഡാറ്റ, യോഗ്യത, പ്രവൃത്തിപരിചയം, ഫോട്ടോ, വയസ്സ് എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സ്വയംസാക്ഷ്യപ്പെടുത്തിയ പകര്‍പ്പുകള്‍ സഹിതം ഡിസംബര്‍ ഏഴിന് വൈകിട്ട് അഞ്ച് മണിക്കകം ജില്ലാ ശിശുസംരക്ഷണ യൂണിറ്റ്, കോണ്‍വെന്റ് സ്‌ക്വയര്‍, ആലപ്പുഴ-1 എന്ന വിലാസത്തില്‍ ലഭിക്കണം. അപേക്ഷാഫോമിന്റെ മാതൃകയ്ക്ക് വെബ്‌സൈറ്റ്( www.wcd.kerala.gov.in) സന്ദര്‍ശിക്കുക. കൂടുതല്‍ വിവരങ്ങള്‍ക്ക് ഫോണ്‍: 0477 2241644.