ഡി. എല്‍. എഡ് സ്‌പോട്ട് അഡ്മിഷന്‍ 26 ന്

2024-26 വര്‍ഷത്തെ ഡി.എല്‍.എഡ് കോഴ്സില്‍ ഒഴിവുള്ള സീറ്റുകളിലേക്ക് നവംബര്‍ 26 ന് രാവിലെ 10 മണി മുതല്‍ ആലപ്പുഴ വിദ്യാഭ്യാസ ഉപഡയറക്ടറുടെ കാര്യാലയത്തില്‍ സ്‌പോട്ട് അഡ്മിഷന്‍ നടത്തും. ആലപ്പുഴ ജില്ലയിലെ മാവേലിക്കര ഗവ. ടി.ടി.ഐ, ചെട്ടികുളങ്ങര ടി.ടി.ഐ, മാന്നാര്‍ എന്‍ എസ് .ടി.ടി.ഐ, അങ്ങാടിക്കല്‍ എസ്.സി.ആര്‍.വി.ടി.ടി.ഐ, ബുദ്ധ എലമെന്ററി സ്‌കൂള്‍ ഓഫ് എജ്യുക്കേഷന്‍ (സ്വാശ്രയം) എന്നീ സ്ഥാപനങ്ങളില്‍ ഒഴിവുള്ള സീറ്റുകളിലേക്കാണ് സ്‌പോട്ട് അഡ്മിഷന്‍ നടത്തുന്നത. സര്‍ക്കാര്‍, സ്വാശ്രയം സീറ്റുകളിലേക്കുള്ള അഭിമുഖത്തില്‍ പങ്കെടുക്കാനാഗ്രഹിക്കുന്നവര്‍ കേരളാ പരീക്ഷാ ഭവന്റെ വെബ്‌സൈറ്റില്‍ (www.pareekshabhavan.kerala.gov.in) നിന്നും ലഭിക്കുന്ന അപേക്ഷ പൂരിപ്പിച്ച് യോഗ്യതാ സര്‍ട്ടിഫിക്കറ്റുകളുടെ അസ്സലും, പകര്‍പ്പും സഹിതം അന്നേ ദിവസം ഹാജരാകണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു. സ്വാശ്രയ വിഭാഗത്തില്‍ എസ്.സി/എസ്.ടി ഒഴികെയുള്ള അപേക്ഷകര്‍ ആലപ്പുഴ വിദ്യാഭ്യാസ ഉപഡയറക്ടറുടെ (Deputy Director of Education, Alappuzha) പേരില്‍ എടുത്ത 100 രൂപയുടെ ഡിമാന്റ് ഡ്രാഫ്റ്റ് കൂടി അപേക്ഷയോടൊപ്പം സമര്‍പ്പിക്കണം.