അയ്യപ്പന്‍പൊറ്റ കോളനി അംബേദ്കര്‍ സെറ്റില്‍മെന്‍റ് പദ്ധതിയില്‍
മലമ്പുഴ ഗ്രാമ പഞ്ചായത്തിലെ അയ്യപ്പന്‍പൊറ്റ കോളനിയെ അംബേദ്കര്‍ സെറ്റില്‍മെന്‍റ് പദ്ധതിയില്‍ ഉള്‍പ്പെടുത്തുന്നതുമായി ബന്ധപ്പെട്ട് നടത്തുന്ന വികസന പ്രവര്‍ത്തനങ്ങള്‍ ചര്‍ച്ച ചെയ്യുന്നതിന് ഊരുകൂട്ട യോഗം ചേര്‍ന്നു. ഭരണപരിഷ്കരണ കമ്മീഷന്‍ ചെയര്‍മാന്‍ വി.എസ്.അച്ചുതാനന്ദന്‍ എം.എല്‍.എ.യുടെ പ്രതിനിധി എ.പ്രഭാകരന്‍ യോഗം ഉദ്ഘാടനം ചെയ്തു. കോളനികളുടെ സമഗ്ര വികസനം ലക്ഷ്യമിട്ടാണ് അംബേദ്കര്‍ കോളനി പദ്ധതി നടപ്പിലാക്കുന്നത്.
മലമ്പുഴ ഗ്രാമപഞ്ചായത്ത് പ്രസിഡന്‍റ് ഇന്ദിരാ രാമചന്ദ്രന്‍റെ അധ്യക്ഷതയില്‍ ചേര്‍ന്ന യോഗത്തില്‍ മലമ്പുഴ ബ്ലോക്ക് പഞ്ചായത്ത് പ്രസിഡന്‍റ് കെ.പി.ഷൈജ, വൈസ് പ്രസിഡന്‍റ് കാഞ്ചനാ സുദേവന്‍, ഗ്രാമപഞ്ചായത്ത് വൈസ് പ്രസിഡന്‍റ് സാലി വര്‍ഗീസ്, ഭരണസമിതി അംഗങ്ങള്‍ എം.എല്‍.എ.യുടെ പേഴ്സണല്‍ സെക്രട്ടറി ശശിധരന്‍, ട്രൈബല്‍ ഡെവലപ്മെന്‍റ് ഓഫീസര്‍ വി.കെ.സുരേഷ്കുമാര്‍, ട്രൈബല്‍ എക്സ്റ്റന്‍ഷന്‍ ഓഫീസര്‍ സി.രാജലക്ഷ്മി , വിവിധ വകുപ്പുതല ഉദ്യോഗസ്ഥര്‍ പങ്കെടുത്തു.അംബ്ദേകര്‍ കോളനി പദ്ധതിയിലുള്‍പ്പെടുത്തിയ ചെല്ലന്‍കാവ്-മംഗലത്താന്‍ചള്ള കോളനിയുടെ ഊരുകൂട്ട യോഗം ഇന്ന് (നവംബര്‍ 24) രാവിലെ 11ന് ചേരും.
- Log in to post comments