അറിയിപ്പുകൾ

ഇന്‍സ്ട്രക്ടര്‍ അഭിമുഖം 19-ന്

ചെങ്ങന്നൂര്‍ ഗവ. ഐ ടി ഐ ലെ വയര്‍മാന്‍ (ഡബ്ലി യു എം) ട്രേഡില്‍ ഒഴിവുള്ള ഇന്‍സ്ട്രക്ടര്‍ തസ്തികയിലേക്ക് ഒഴിവുണ്ട്. 19-ന് രാവിലെ 11 ന് ചെങ്ങന്നൂര്‍ ഗവ. ഐ ടി ഐ യില്‍ അഭിമുഖം നടക്കും. ഈഴവ/ബില്ലവ/തിയ്യ വിഭാഗക്കാര്‍ക്ക്  മുന്‍ഗണന, മുന്‍ഗണനേതര വിഭാഗത്തില്‍പ്പെട്ടവര്‍ക്കും അപേക്ഷിക്കാം. അഭിമുഖത്തിന് ഹാജരാകുന്നവര്‍ അസല്‍ സര്‍ട്ടിഫിക്കറ്റുകളോടൊപ്പം അവയുടെ പകര്‍പ്പുകള്‍ കൂടി ഹാജരാക്കണം. 
യോഗ്യത- ബന്ധപ്പെട്ട ബ്രാഞ്ചില്‍ എഞ്ചിനീയറിങ് ബിരുദവും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ ബന്ധപ്പെട്ട ബ്രാഞ്ചില്‍ മൂന്നു വര്‍ഷത്തെ എഞ്ചിനീയറിംഗ്  ഡിപ്ലോമയും രണ്ട് വര്‍ഷത്തെ പ്രവൃത്തി പരിചയവും അല്ലെങ്കില്‍ ബന്ധപ്പെട്ട ബ്രാഞ്ചില്‍ എന്‍ ടി സി/എന്‍ എ സി യും  മൂന്ന് വര്‍ഷത്തെ പ്രവൃത്തി പരിചയവും. 

വിമുക്തി ജില്ലാ മിഷന്‍ കോ-ഓര്‍ഡിനേറ്റര്‍ അപേക്ഷ ക്ഷണിച്ചു

 വിമുക്തിയുടെ ജില്ലാ മിഷന്‍ കോ-ഓര്‍ഡിനേറ്റര്‍ തസ്തികയില്‍ താത്കാലിക നിയമനത്തിനുള്ള ഒരു ഒഴിവിലേക്ക് അപേക്ഷ ക്ഷണിച്ചു. 
യോഗ്യത- സോഷ്യല്‍ വര്‍ക്ക്, സൈക്കോളജി, വിമന്‍ സ്റ്റഡീസ്, ജന്‍ഡര്‍ സ്റ്റഡീസ് എന്നിവയില്‍ ഏതിലെങ്കിലും സര്‍വകലാശാലാ ബിരുദാനന്തര ബിരുദം. ലഹരി വിരുദ്ധ പ്രവര്‍ത്തനങ്ങളുമായി ബന്ധപ്പെട്ട് സര്‍ക്കാര്‍, അര്‍ദ്ധ സര്‍ക്കാര്‍ സ്ഥാപനങ്ങളിലോ മിഷനുകളിലോ ഒരു വര്‍ഷത്തെ പ്രവൃത്തിപരിചയം. 

പ്രായപരിധി 23-60 വയസ്. പ്രതിമാസ മാസ ശമ്പളം 50,000 രൂപ. അപേക്ഷകര്‍ ബയോഡാറ്റ, മൊബൈല്‍  നമ്പര്‍, സര്‍ട്ടിഫിക്കറ്റുകളുടെ പകര്‍പ്പ് സഹിതം നവംബര്‍ 26-ന് വൈകീട്ട് അഞ്ചിനു മുമ്പായി എറണാകുളം  എക്‌സൈസ് ഡെപ്യൂട്ടി കമ്മിഷണറുടെ  എക്‌സൈസ് ഡിവിഷന്‍ ഓഫീസ്, എക്‌സൈസ് സോണല്‍ കോംപ്‌ളെക്‌സ്, കച്ചേരിപ്പടി, എറണാകുളം-682 018 വിലാസത്തില്‍ അപേക്ഷ സമര്‍പ്പിക്കണം.
ഫോണ്‍ - 04842390657.