പട്ടികജാതി പട്ടികഗോത്ര വർഗ കമ്മിഷൻ അദാലത്ത്

സംസ്ഥാന പട്ടികജാതി പട്ടികഗോത്ര വർഗ കമ്മിഷൻ, നവംബർ 19,20 തിയതികളിൽ കോട്ടയം ജില്ലയിൽ പരാതി പരിഹാര അദാലത്ത് നടത്തുന്നു. കളക്‌ട്രേറ്റ് കോൺഫറൻസ് ഹാളിൽ നടത്തുന്ന അദാലത്തിൽ കമ്മിഷൻ ചെയർപേഴ്സൺ ശേഖരൻ മിനിയോടൻ, അംഗങ്ങളായ സേതു നാരായണൻ, ടി.കെ. വാസു എന്നിവർ നേതൃത്വം നൽകും.
 പട്ടികജാതി പട്ടിക ഗോത്ര വർഗക്കാരുമായി ബന്ധപ്പെട്ട വിവിധ വിഷയങ്ങളിൽ കമ്മിഷൻ മുമ്പാകെ സമർപ്പിച്ചിട്ടുള്ളതും വിചാരണയിൽ ഇരിക്കുന്നതുമായ കേസുകളിൽ, പരാതിക്കാരെയും എതിർകക്ഷികളെയും ബന്ധപ്പെട്ട ഉദ്യോഗസ്ഥരെയും നേരിൽ കേൾക്കും. പുതിയ പരാതികളും സ്വീകരിക്കും.