സംസ്ഥാനശാസ്ത്രോത്സവം: മേള നടക്കുന്ന സ്കൂളുകൾക്കും താമസ കേന്ദ്രങ്ങളായ സ്കൂളുകൾക്കും 15 നും 18 നും അവധി

സംസ്ഥാന ശാസ്ത്രോൽസവവുമായി ബന്ധപ്പെട്ട് മേള നടക്കുന്നതും താമസ സൗകര്യം ഒരുക്കിയിരിക്കുന്നതുമായ  27  സ്കൂളുകൾക്കും വാഹനം വിട്ട് നൽകുന്ന 6 സി.ബി.എസ്.ഇ സ്കൂളുകൾക്കും നവംബർ 15, 18  ദിവസങ്ങളിൽ അവധി അനുവദിച്ച് ജില്ലാ കളക്ടർ ഉത്തരവിട്ടു. 
സംസ്ഥാനത്തിന്റെ വിവിധ ഭാഗങ്ങളിൽ നിന്നും എത്തുന്ന മൽസരാർത്ഥികളെയും അദ്ധ്യാപകരേയും ശാസ്ത്രമേള നടക്കുന്ന വിവിധ വേദികളിലും താമസ സൗകര്യം ഒരുക്കിയിരിക്കുന്ന വിവിധ സ്കൂളുകളിലും എത്തിക്കുന്നതിന്  6  സി.ബി.എസ്.ഇ. സ്കൂളുകളുടെ വാഹനം 15 മുതൽ 18 വരെ വാഹനത്തിൻ്റെ ഡ്രൈവർ സഹിതം അനുവദിച്ച് നൽകാനും കളക്ടർ  ഉത്തരവിട്ടു. ഇതുമായി ബന്ധപ്പെട്ട് ആകെ അദ്ധ്യയന ദിവസങ്ങൾ നഷ്ടപ്പെടാതിരിക്കുന്നതിനുള്ള നടപടികൾ സ്കൂൾ അധികൃതർ സ്വീകരിക്കേണ്ടതും ഉപവിദ്യാഭ്യാസ ഡയറക്ടർ ഉറപ്പുവരുത്തേണ്ടതുമാണെന്നും ഉത്തരവിൽ പറഞ്ഞു.