ബോധവത്കരണ പരിപാടി സംഘടിപ്പിച്ചു

പാലക്കാട് നാഷണൽ സ്റ്റാറ്റിസ്റ്റിക്സ് ഓഫീസിന്റെ ആഭിമുഖ്യത്തില്‍  ഹയര്‍സെക്കന്ററി വിദ്യാര്‍ഥികള്‍ക്കായി ബോധവൽക്കരണ പരിപാടി സംഘടിപ്പിച്ചു. പാലക്കാട് ഗവ. മോയൻ മോഡൽ ഗേൾസ് ഹയർസെക്കൻഡറി സ്കൂളിൽ നടന്ന പരിപാടിയുടെ ഉദ്ഘാടനം പ്രിൻസിപ്പൽ വി. ഇന്ദിര നിര്‍വഹിച്ചു. ചടങ്ങില്‍ സബ് റീജിയണല്‍ ഓഫീസര്‍ സി.ജി.സുരേഷ് ബാബു അധ്യക്ഷത വഹിച്ചു.  സീനിയർ സ്റ്റാറ്റിസ്റ്റിക്കൽ ഓഫീസർമാരായ ശർമ്മേന്ദ്ര, എസ്.സുജിത്ത് എന്നിവർ ബോധവൽക്കരണ ക്ലാസെടുത്തു. പരിപാടിയോടനുബന്ധിച്ച് നടന്ന ക്വസ് മത്സരത്തിന് എസ്. പ്രസന്നകുമാർ നേതൃത്വം നല്‍കി. സീനിയര്‍ സ്റ്റാറ്റിസ്റ്റിക്കൽ ഓഫീസർ പി.കെ ദീപ പ്രസംഗിച്ചു.