കുടുംബശ്രീ തൊഴില്‍മേള 16 ന്
തൃശ്ശൂര്‍ കുടുംബശ്രീ ജില്ലാ മിഷന്റെ നേതൃത്വത്തില്‍ ദീന്‍ ദയാല്‍ ഉപാദ്ധ്യായ ഗ്രാമീണ്‍ കൗശല്‍ യോജന പദ്ധതി (ഡി.ഡി.യു.ജി.കെ.വൈ), കേരള നോളജ് ഇക്കോണമി മിഷന്‍ (കെകെഇഎം) എന്നിവ സംയുക്തമായി 'കണക്ട് 24' എന്ന പേരില്‍ നവംബര്‍ 16 ന് ജില്ലാതല റീജിയണല്‍ തൊഴില്‍ മേളയും മൊബലൈസേഷന്‍ ക്യാമ്പും ഇരിങ്ങാലക്കുട രാജീവ് ഗാന്ധി ടൗണ്‍ ഹാളില്‍ സംഘടിപ്പിക്കുന്നു. ചേര്‍പ്പ്, മാള, ഇരിങ്ങാലക്കുട, കൊടകര, വെള്ളങ്ങല്ലൂര്‍, മതിലകം, ചാലക്കുടി എന്നീ ബ്ലോക്കുകളെ സംയോജിപ്പിച്ചാണ് തൊഴില്‍ മേള നടത്തുന്നത്.
തൊഴില്‍ മേളയില്‍ എസ്.എസ്.എല്‍.സി മുതല്‍ ഉയര്‍ന്ന വിദ്യാഭ്യാസ യോഗ്യതയും അഭിരുചിയുമുള്ള 18 നും 45 നും മദ്ധ്യേ പ്രായമുള്ളവര്‍ക്ക് പങ്കെടുക്കാം. നവംബര്‍ 16 ന് രാവിലെ 8.30 മുതല്‍ 11 വരെ സ്പോട്ട് രജിസ്ട്രേഷന്‍ ഉണ്ടായിരിക്കും. തൊഴില്‍ അന്വേഷകര്‍ക്ക് ഓണ്‍ലൈന്‍ രജിസ്ട്രേഷനുള്ള സൗകര്യവും ലഭ്യമാണ്.
- Log in to post comments