Post Category
വലിയവേങ്കാട് വി.വി ദായിനി സ്‌കൂളില്‍ കെട്ടിട നിര്‍മ്മാണോദ്ഘാടനം നടത്തി
അരുവിക്കര വലിയവേങ്കാട് വി.വി ദായിനി ഗവ.യു.പി സ്‌കൂളില്‍ നിര്‍മ്മിക്കുന്ന ഒന്നാം നില കെട്ടിടത്തിന്റെ നിര്‍മ്മാണോദ്ഘാടനം നടത്തി. സ്‌കൂള്‍ അങ്കണത്തില്‍ നടന്ന ചടങ്ങില്‍ ജി.സ്റ്റിഫന്‍ എംഎല്‍എ ഉദ്ഘാടനം ചെയ്തു. അരുവിക്കര മണ്ഡലത്തിൽ നിലവിൽ 20 സ്കൂൾ കെട്ടിടങ്ങളുടെ ജോലികൾ നടക്കുന്നുണ്ടെന്നും ഇന്നത്തെ ക്ലാസ്സ്മുറികളാണ് നാളത്തെ സമൂഹത്തെ വാർത്തെടുക്കുന്നതെന്നും അദ്ദേഹം പറഞ്ഞു. എംഎല്‍എയുടെ ആസ്തി വികസന ഫണ്ടില്‍ നിന്നും 60 ലക്ഷം രൂപ ചെവഴിച്ചാണ് കെട്ടിടം നിര്‍മ്മിക്കുന്നത്.
തൊളിക്കോട് ഗ്രാമ പഞ്ചായത്ത് പ്രസിഡന്റ് വി.ജെ സുരേഷ് അധ്യക്ഷത വഹിച്ചു. ത്രിതല പഞ്ചായത്തുകളിലെ ജനപ്രതിനിധികള്‍, രാഷ്ട്രീയ കക്ഷി നേതാക്കള്‍, ഉദ്യോഗസ്ഥ പ്രതിനിധികള്‍ എന്നിവര്‍ പങ്കെടുത്തു.
date
- Log in to post comments