ഭരണഘടനാ ദിനാഘോഷം

എഴുപത്തിയഞ്ചാം ഭരണഘടനാ ദിനാഘോഷം നവംബർ 26 ന് നെഹ്‌റു യുവ കേന്ദ്രയുടെ ആഭിമുഖ്യത്തിൽ വിവിധ സർക്കാർ വിഭാഗങ്ങളുടെ സഹകരണത്തോടുകൂടി വിപുലമായി ആഘോഷിക്കും. രാവിലെ 8 മണിക്ക് കവടിയാർ വിവേകാനന്ദ പ്രതിമക്ക് മുന്നിൽ അഞ്ഞൂറോളം മേരാ യുവ ഭാരത് വോളന്റിയർമാർ അണിനിരക്കുന്ന പദയാത്ര വെള്ളയമ്പലം, കനകക്കുന്ന്, സെൻട്രൽ ലൈബ്രറി, രക്തസാക്ഷി മണ്ഡപം വഴി നിയമസഭ പരിസരത്ത് എത്തിച്ചേരും. 10 മണിക്ക് നിയമസഭ സ്പീക്കർ എ. എൻ. ഷംസീർ ദിനാഘോഷങ്ങളുടെ ഉദ്ഘാടനം നിർവഹിക്കും. ഭരണഘടനയുടെ ആമുഖം വായിക്കുകയും സദസ് ഏറ്റു ചൊല്ലുകയും ചെയ്യും. വി.കെ.പ്രശാന്ത് എംഎൽഎ പങ്കെടുക്കും.

പി.എൻ.എക്സ്. 5292/2024