ഓംബുഡ്സ്മാൻ സിറ്റിം​ഗ്

ദേശീയ ​ഗ്രാമീണ തൊഴിലുറപ്പ് പദ്ധതിയുടേയും പ്രധാനമന്ത്രി ആവാസ് യോജനയുടേയും ഓംബുഡ്സ്മാൻ സിറ്റിം​ഗ് ബുധനാഴ്ച (നവംബർ27) രാവിലെ 11 മുതൽ ഒരു മണിവരെ നെടുമങ്ങാട് ബ്ലോക്ക് പഞ്ചായത്തിൽ നടത്തും.

നെടുമങ്ങാട് ബ്ലോക്ക് പ്രദേശത്തെ ആനാട്, അരുവിക്കര, കരകുളം, പനവൂർ, വെമ്പായം എന്നീ ​ഗ്രാമപഞ്ചായത്തുകളിലെ തൊഴിലുറപ്പ് തൊഴിലാളികൾ, ​ഗുണഭോക്താക്കൾ, മേറ്റുമാർ, പൊതുപ്രവർത്തകർ, ജനപ്രതിനിധികൾ, ജീവനക്കാർ എന്നിവർക്ക് പരാതികളും നിർദ്ദേശങ്ങളും നേരിട്ട് നൽകാം. പ്രധാനമന്ത്രി ആവാസ് യോജന ഭവന പദ്ധതി ​ഗുണഭോക്താക്കൾക്കും ഓംബുഡ്സ്മാനിൽ പങ്കെടുത്ത് പരാതി നൽകാം.