ദേശീയ യുവജനോത്സവം: പ്രധാനമന്ത്രിയുമായി സംവദിക്കാൻ അവസരം

നാഷണൽ യൂത്ത് ഫെസ്റ്റിവൽ 2025 ന്റെ ഭാഗമായി ജനുവരി 11, 12 തിയതികളിൽ ന്യൂഡൽഹിയിലെ ഭാരത് മണ്ഡപത്തിൽ നടക്കുന്ന ‘വികസിത് ഭാരത് യങ് ലീഡേഴ്‌സ് ഡയലോഗ്’ ല്‍ പങ്കെടുത്ത് പ്രധാനമന്ത്രിയുമായി സംവദിക്കാന്‍ 15 നും  29 നുമിടയില്‍ പ്രായമുള്ള യുവതി യുവാക്കൾക്ക് നെഹ്റു യുവ കേന്ദ്ര അവസരമൊരുക്കുന്നു. നവംബർ 25നും  ഡിസംബർ അഞ്ചിനും ഇടയിൽ മേരാ യുവ ഭാരത് (മൈ ഭാരത്) പ്ലാറ്റ്ഫോമിൽ (https://mybharat.gov.in/) അവതരിപ്പിക്കുന്ന ഡിജിറ്റൽ ക്വിസിൽ പങ്കെടുത്ത് തുടർ ഘട്ടങ്ങളിലേക്കു യോഗ്യത നേടാവുന്നതാണെന്ന് ജില്ലാ യൂത്ത് ഓഫീസര്‍ അറിയിച്ചു.