വായ്പാമേള ഉദ്ഘാടനവും മൈക്രോഫിനാൻസ് വായ്പാ വിതരണവും 27 ന്

സംസ്ഥാന വനിതാ വികസന കോർപറേഷന്റെ കണ്ണൂർ ജില്ലാതല വായ്പാമേള നവംബർ 27 ന് നടക്കും. മേളയുടെ ജില്ലാതല ഉദ്ഘാടനവും മുണ്ടേരി ഗ്രാമ പഞ്ചായത്ത് സി ഡി എസിനുള്ള മൈക്രോ ഫിനാൻസ് വായ്പാ വിതരണവും കാഞ്ഞിരോട് വീവേഴ്സ് സൊസൈറ്റി ഹാളിൽ 27 ന് രാവിലെ പത്തിന് കേരള സംസ്ഥാന വനിതാ വികസന കോർപറേഷൻ ചെയർപേഴ്സൺ റോസക്കുട്ടി ടീച്ചർ നിർവഹിക്കും. മുണ്ടേരി ഗ്രാമ പഞ്ചായത്ത് പ്രസിഡന്റ് എ അനിഷ അധ്യക്ഷയാവും. മുണ്ടേരി ഗ്രാമ പഞ്ചായത്തിലെ 54 കുടുംബശ്രീ ഗ്രൂപ്പുകളിലെ 612 അംഗങ്ങൾക്കായി മൂന്ന് കോടി രൂപയുടെ വായ്പയാണ് വിതരണം ചെയ്യുന്നത്. ഹോട്ടൽ, കാറ്ററിംഗ് യൂണിറ്റ്, ഫുഡ് പ്രോസസിംഗ് യൂനിറ്റ്, തയ്യൽ യൂണിറ്റ് ഉൾപ്പടെയുള്ള നിരവധി പദ്ധതികളാണ് വായ്പ ഉപയോഗിച്ച് കുടുംബശ്രീ ഗ്രൂപ്പുകൾ ആരംഭിക്കാൻ ഉദ്ദേശിക്കുന്നത്.