കാർഷിക യന്ത്ര സർവ്വീസ് ‌ക്യാമ്പ്

 കാർഷിക വികസന കർഷക ക്ഷേമ വകുപ്പിന്റെ പാലക്കാട് കാർഷിക എഞ്ചിനീയറിങ് വിഭാഗത്തിന്റെ ആഭിമുഖ്യത്തില്‍ കുഴൽമന്ദം ബ്ലോക്ക്‌ പഞ്ചായത്ത് തലത്തിൽ നടന്ന ഏകദിന കാർഷിക യന്ത്ര സർവ്വീസ് ക്യാമ്പ് സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് ടി.കെ ദേവദാസ് ഉദ്ഘാടനം ചെയ്‌തു. ചടങ്ങില്‍ കുഴൽമന്ദം ഗ്രാമപഞ്ചായത്ത് പ്രസിഡന്റ് മിനി അധ്യക്ഷത വഹിച്ചു. ബ്ലോക്ക്‌ വികസന സ്ഥിരം സമിതി അധ്യക്ഷൻ  എസ് സിദ്ദിഖ്,  കൃഷി അസിസ്റ്റ‌ന്റ്  എക്സിക്യുട്ടീവ് എഞ്ചിനിയർ ഇ.എൻ. സുഹാസ്,  കൃഷി ഓഫിസർ പ്രിയ, കൃഷി അസിസ്റ്റന്റ്  ലിയ ജോയ് തുടങ്ങിയവർ പങ്കെടുത്തു.

കുഴൽമന്ദം ബ്ലോക്കിലെ വിവിധ ഇടങ്ങളിൽ നിന്നുള്ള കാർഷികയന്ത്രങ്ങൾ  പാലക്കാട് കൃഷി അസിസ്‌റ്റന്റ് എക്സിക്യുട്ടീവ് എഞ്ചീനീയറുടെ കാര്യാലയത്തിലെ മെക്കാനിക്കൽ വിഭാഗം ജീവനക്കാരുടെ നേതൃത്വത്തിൽ സർവീസ് ചെയ്തു നൽകി.  യന്ത്രങ്ങളുടെ തത്‌സമയ സർവ്വീസും ചെറുകിട അറ്റകുറ്റപണികളും  സൗജന്യമായാണ് ചെയ്തു നൽകിയത്. ജില്ലയിലെ അടുത്ത സര്‍വ്വീസ് ക്യാമ്പ് നവംബർ 28 ചിറ്റൂരില്‍ നടക്കും.