പുതുശ്ശേരി ഗ്രാമപഞ്ചായത്ത് സംരംഭക സഭ ഏഴിന്

പുതുശ്ശേരി ഗ്രാമപഞ്ചായത്തും പാലക്കാട് താലൂക്ക് വ്യവസായ ഓഫീസും സംയുക്തമായി സംഘടിപ്പിക്കുന്ന സംരംഭക സഭ ജനുവരി ഏഴിന് രാവിലെ 10.30 ന് പുതുശ്ശേരി ഗ്രാമപഞ്ചായത്ത് ഹാളില്‍ നടക്കും. പഞ്ചായത്ത് പ്രസിഡന്റ് എന്‍.പ്രസീത ഉദ്ഘാടനം ചെയ്യുന്ന പരിപാടിയില്‍ പഞ്ചായത്ത് പരിധിയിലെ വിവിധ ബാങ്കുകള്‍,  മറ്റ് വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.

പുതിയതായി സംരംഭം തുടങ്ങാന്‍ ഉദ്ദേശിക്കുന്നവര്‍ക്കും നിലവില്‍ സംരംഭം ഉള്ളവര്‍ക്കും സംശയനിവാരണത്തിനും നൂതന ആശയങ്ങള്‍ നല്‍കുന്നതിനും സഭ ഉപകാരപ്രദമായിരിക്കും. സംരംഭകരുടെ  നിര്‍ദ്ദേശങ്ങള്‍ സഭയില്‍ അവതരിപ്പിക്കാവുന്നതാണ്.  പരിപാടിയില്‍ വ്യവസായ വകുപ്പില്‍ നിന്നുള്ള ഉദ്യോഗസ്ഥര്‍ ക്ലാസ്സ് എടുക്കും. ഉല്‍പ്പാദന, സേവന, കച്ചവട മേഖലയില്‍ സംരംഭം തുടങ്ങാന്‍ ആവശ്യമായ ലൈസന്‍സുകളായ  കെ സ്വിഫ്റ്റ്, ഫുഡ് സേഫ്റ്റി, ഉദ്യം രജിസ്ട്രേഷന്‍ തുടങ്ങിയവ എടുക്കുന്നതിന് അന്നേദിവസം പ്രത്യേക സൗകര്യം ഉണ്ടായിരിക്കുമെന്ന് മലമ്പുഴ ബ്ലോക്ക് പഞ്ചായത്ത് വ്യവസായ വികസന ഓഫീസര്‍ അറിയിച്ചു.ഫോണ്‍:9207366733.