കുടുംബശ്രീ സംസ്ഥാന ബഡ്സ് കലോത്സവം: ജില്ലയില്‍ മുന്നൊരുക്കം  ആരംഭിച്ചു

 കുടുംബശ്രീ മിഷന്റെ നേതൃത്വത്തില്‍ സംസ്ഥാന ബഡ്സ് സ്‌കൂള്‍ കലോത്സവം ജനുവരി ഒമ്പത്, 10 തീയതികളില്‍ തില്ലാന ആശ്രാമം ശ്രീ നാരായണഗുരു സാംസ്‌കാരിക സമുച്ചയത്തില്‍ നാല് വേദികളിലായി നടക്കും.  പങ്കെടുക്കുന്നവര്‍ക്ക്  നഗരപ്രദേശങ്ങളില്‍ താമസ സൗകര്യം ഒരുക്കും. കലോത്സവത്തിന് ഓണ്‍ലൈന്‍ രജിസ്ട്രേഷന്‍ നടത്തും.
14 ജില്ലകളില്‍നിന്നും 448 മത്സരാര്‍ഥികള്‍ 15 സ്റ്റേജ് - സ്റ്റേജ് ഇതര ഇനങ്ങളില്‍ 22 വിഭാഗങ്ങളിലായി പങ്കെടുക്കും.
യാത്ര അടക്കമുള്ള മറ്റ് അനുബന്ധ സൗകര്യങ്ങളും ഒരുക്കുന്നുണ്ട്. റീല്‍സ് മത്സരം, ചുവരെഴുത്തുകള്‍, പട്ടം പറത്തലിനൊരു ദിനം, ബ്ലോക്ക് തല വിളംബര ജാഥ എന്നിങ്ങനെ വ്യത്യസ്തങ്ങളായ പ്രചാരണ പ്രവര്‍ത്തനങ്ങളാണ്  നടത്തുന്നത്.
(പി.ആര്‍.കെ നമ്പര്‍ 47/2025)