ഇൻകുബേഷൻ സെന്ററിലേക്ക് അപേക്ഷകൾ ക്ഷണിച്ചു 

സംരംഭകർക്കായി വ്യവസായ വാണിജ്യ വകുപ്പിന്റെ സംരംഭകത്വ വികസന ഇൻസ്റ്റിറ്റ്യൂട്ട് ആയ കേരള ഇൻസ്റ്റിട്യൂട്ട് ഫോർ എന്റർപ്രണ൪ഷിപ്പ് ഡവലപ്മെന്റ്റ് ഇൻകുബേഷൻ സെന്റർ ആരംഭിക്കുന്നു. അങ്കമാലിയിലുള്ള കീഡിന്റെ എന്റ൪പ്രൈസ് ഡെവലപ്മെൻറ് സെന്ററിലാണ് ഇൻകുബേഷൻ ആരംഭിക്കുന്നത്. പ്രാരംഭഘട്ടത്തിലുള്ള സ്റ്റാർട്ടപ്പുകൾക്കും അതുപോലെ തന്നെ കേരളത്തിൽ രജിസ്റ്റർ ചെയ്തിരിക്കുന്ന എം എസ് എം ഇ കൾക്കും അപേക്ഷിക്കാം. ഇൻകുബേഷനായി അഥവാ കോ-വർക്കിംഗിനായി 21 ക്യുബിക്കിൾ സ്പേസുകൾ സഹകരണം, സർഗ്ഗാത്മകത, ഉൽപ്പാദനക്ഷമത എന്നിവ പ്രോത്സാഹിപ്പിക്കുന്ന രീതിയിലാണ് അത്യാധുനിക ഇൻകുബേഷൻ/ വർക്ക്സ്പെയ്സ് രൂപകൽപ്പന ചെയ്തിരിക്കുന്നത്. സമഗ്രമായ പിന്തുണ: ഓഫീസ് സ്ഥലത്തിനപ്പുറം, തിരഞ്ഞെക്കപ്പെടുന്നവർക്ക് മെന്റ൪ഷിപ്പ്, നെറ്റ് വർക്കിംഗ് അവസരങ്ങൾ, വർക്ക്ഷോപ്പുകൾ, ബിസിനസ് വളർച്ച ലക്ഷ്യമിട്ടുള്ള വിശാലമായ അവസരങ്ങൾ എന്നിവയിൽ നിന്ന് പ്രയോജനം ലഭിക്കും. മറ്റ് സൗകര്യങ്ങൾ: ഹൈ സ്പീഡ് വൈ-ഫൈ സൗകര്യം, എയർകണ്ടീഷൻ ചെയ്ത വർക്ക് സ്പേസ്' മീറ്റിംഗ് ഹാൾ ആന്റ് കോൺഫറൻസ് ഹാൾ പ്രതിമാസം 5,000 രൂപയാണ് (ജി എസ് ടി കൂടാതെ) ഒരു ക്യൂബിക്കിളിനുള്ള സർവീസ് ചാർജ്. താത്പര്യമുള്ളവർ ഓൺലൈനായി www.kled.info/incubation/ ൽ ജനുവരി 31 ന് മുമ്പ് അപേക്ഷ സമർപ്പിക്കണം. കൂടുതൽ വിവരങ്ങൾക്ക് ഫോൺ: 0484 2532890/0484 2550322/9446047013/7994903058.