ഇന്‍ക്യുബേഷന്‍ സെന്ററിലേക്ക് അപേക്ഷിക്കാം

സംരംഭകര്‍ക്കായി വ്യവസായ വാണിജ്യ വകുപ്പിന്റെ സംരംഭകത്വ വികസന ഇന്‍സ്റ്റിറ്റ്യൂട്ട് ആയ കേരള ഇന്‍സ്റ്റിട്യൂട്ട് ഫോര്‍ എന്റര്‍പ്രണര്ഷിപ്പ് ഡവലപ്മെന്റ് (കീഡ്) ഇന്‍കുബേഷന്‍ സെന്റര്‍ ആരംഭിക്കുന്നു. അങ്കമാലിയിലുള്ള കീഡിന്റെ എന്റര്‍പ്രൈസ് ഡെവലപ്മെന്റ് സെന്ററിലാണ് ഇന്‍കുബേഷന്‍ ആരംഭിക്കുന്നത്. പ്രാരംഭ ഘട്ടത്തിലുള്ള സ്റ്റാര്‍ട്ടപ്പുകള്‍ക്കും കേരളത്തില്‍ രജിസ്റ്റര്‍ ചെയ്തിരിക്കുന്ന എം.എസ്.എം.ഇ കള്‍ക്കും അപേക്ഷിക്കാം. ഇന്‍കുബേഷനായി അത്യാധുനികമായ 21 ക്യൂബിക്കിള്‍ വര്‍ക്ക് സ്‌പേസുകളാണ് ഉള്ളത്. തിരഞ്ഞെടുക്കപ്പെടുന്നവര്‍ക്ക് മെന്റര്‍ഷിപ്പ്, നെറ്റ്വര്‍ക്കിങ് അവസരങ്ങള്‍, വര്‍ക്ക്‌ഷോപ്പുകള്‍, ബിസിനസ്സ് വളര്‍ച്ച ലക്ഷ്യമിട്ടുള്ള  അവസരങ്ങള്‍ എന്നിവ ലഭിക്കും. ഹൈസ്പീഡ് വൈഫൈ, എയര്‍കണ്ടീഷന്‍ ചെയ്ത വര്‍ക്ക് സ്‌പേസ്, മീറ്റിങ് ഹാള്‍ എന്നീ സൗകര്യങ്ങളും ലഭിക്കും.  പ്രതിമാസം 5000 രൂപയാണ് (ജി.എസ്.ടി കൂടാതെ) ഒരു ക്യൂബിക്കിളിനുള്ള സര്‍വീസ് ചാര്‍ജ്. താത്പര്യമുള്ളവര്‍ ഓണ്‍ലൈനായി www.kied.info/ incubation/ ല്‍ ജനുവരി  31ന് മുമ്പ് അപേക്ഷിക്കണം. കൂടുതല്‍ വിവരങ്ങള്‍ക്ക്‌ഫോണ്‍ : 0484 2532890/ 0484 2550322/ 9446047013/ 7994903058.