ദേശീയ യുവജന ദിനാഘോഷം ജനുവരി 15 ന്

കേരള സംസ്ഥാന യുവജന കമ്മിഷന്റെ ആഭിമുഖ്യത്തിൽ ജനുവരി 15 ന് ദേശീയ യുവജന ദിനാഘോഷം സംഘടിപ്പിക്കും. തിരുവനന്തപുരം, തൈക്കാട് ഗവൺമെന്റ് ആർട്‌സ് കോളേജിൽ  സംഘടിപ്പിക്കുന്ന യുവജന ദിനാഘോഷത്തിന്റെ ഉദ്ഘാടനം രാവിലെ 10 ന് സാംസ്‌കാരിക, ഫിഷറീസ്, യുവജനകാര്യ വകുപ്പ് മന്ത്രി സജി ചെറിയാൻ നിർവ്വഹിക്കും. മേയർ ആര്യ രാജേന്ദ്രൻ വിശിഷ്ടാതിഥിയായി പങ്കെടുക്കും. യുവജനദിനാഘോഷത്തോടനുബന്ധിച്ച് യുവജന കമ്മീഷൻ സംസ്ഥാനതലത്തിൽ നടത്തിയ ഇ.എം.എസ് സ്മാരക പ്രസംഗ മത്സരത്തിന്റയും ചെസ്സ് മത്സരത്തിന്റെയും വിജയികൾക്കുള്ള സമ്മാനദാനവും വിവിധ കലാപരിപാടികളും സംഘടിപ്പിക്കും.

പി.എൻ.എക്സ്. 184/2025