അംബേദ്ക്കർ സെറ്റിൽമെൻ്റ് സമഗ്ര വികസന പദ്ധതി; പിണവൂർ കുടിയിൽ ഊരു കൂട്ടം ചേർന്നു

കുട്ടമ്പുഴ ഗ്രാമപഞ്ചായത്തിലെ പിണവൂർ കുടിയിൽ അംബേദ്ക്കർ സെറ്റിൽമെൻ്റ് സമഗ്ര വികസന പദ്ധതിയിൽ ഉൾപ്പെടുത്തി ഒരു കോടി രൂപ ചെലവഴിച്ചുള്ള വികസന പ്രവർത്തനങ്ങളുടെ രൂപ രേഖ തയ്യാറാക്കുന്നതിനായി ഊരുകൂട്ടം ചേർന്നു. പ്രാഥമിക പദ്ധതി രൂപീകരണ ഊരു കൂട്ടത്തിന്റെ ഉദ്ഘാടനം ആന്റണി ജോൺ എം.എൽ.എ നിർവഹിച്ചു.

കമ്യൂണിറ്റി ഹാൾ നവീകരണം, ആദിവാസി പൈതൃക നിലയം രൂപീകരണം, വിവിധ കുടിവെള്ള സംവിധാനങ്ങൾ ഏർപ്പെടുത്തൽ, കളിസ്ഥലം നവീകരണം, ഓപ്പൺ ജിം തുടങ്ങിയ വികസനാവശ്യങ്ങൾ ഊരുകൂട്ടം ചർച്ച ചെയ്തു.

കമ്മ്യൂണിറ്റി ഹാളിൽ നടന്ന യോഗത്തിൽ കുട്ടമ്പുഴ ഗ്രാമപഞ്ചായത്ത് പ്രസിഡൻ്റ് കാന്തി വെള്ളക്കയ്യൻ, വൈസ് പ്രസിഡൻ്റ് സൽമ പരീത്, ബ്ലോക്ക് പഞ്ചായത്ത്‌ മെമ്പർ കെ.കെ ഗോപി, പഞ്ചായത്ത് മെമ്പർ ബിനേഷ് നാരായണൻ, ട്രൈബൽ ഡെവലപ്മെൻ്റ് ഓഫീസർ അനിൽ ഭാസ്കർ, സംസ്ഥാന പട്ടികവർഗ്ഗ ഉപദേശക സമിതി അംഗം ഇന്ദിരകുട്ടി രാജു, ട്രൈബൽ എക്സ്റ്റൻഷൻ ഓഫീസർ പി.രാജീവ്, ഊരു മൂപ്പന്മാർ, ഊര് നിവാസികൾ, ട്രൈബൽ പ്രമോട്ടർമാർ എന്നിവർ പങ്കെടുത്തു.