ഐ.എച്ച്.ആർ.ഡി പരീക്ഷാഫലം പ്രസിദ്ധീകരിച്ചു

ഐ.എച്ച്.ആർ.ഡി ഫെബ്രുവരി മാസത്തിൽ നടത്തിയ ഒന്നും രണ്ടും സെമസ്റ്റർ പോസ്റ്റ് ഗ്രാജ്വേറ്റ് ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻസ് (പി.ജി.ഡി.സി.എ), ഡിപ്ലോമ ഇൻ ഡാറ്റാ എൻടി ടെക്‌നിക്‌സ് ആന്റ് ഓഫീസ് ഓട്ടമേഷൻ (ഡി.ഡി.റ്റി.ഒ.എ), ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻസ് (ഡി.സി.എ), സർട്ടിഫിക്കറ്റ് കോഴ്സ് ഇൻ ലൈബ്രറി ആന്റ് ഇൻഫർമേഷൻ സയൻസ് (സി.സി.എൽ.ഐ.എസ്) എന്നീ കോഴ്സുകളുടെ പരീക്ഷഫലം പ്രസിദ്ധീകരിച്ചു. 

പരീക്ഷാഫലവും മാർക്കിന്റെ വിശദാംശങ്ങളും അതത് പരീക്ഷാകേന്ദ്രങ്ങളിലും ഐ.എച്ച്.ആർ.ഡി.യുടെ വെബ്‌സൈറ്റിലും ലഭ്യമാണ്. 

പുനർമൂല്യനിർണയത്തിനുള്ള അപേക്ഷകൾ ഏപ്രിൽ 21 വരെ അതത് പരീക്ഷാകേന്ദ്രങ്ങളിൽ പിഴ കൂടാതെയും ഏപ്രിൽ 28 വരെ 200 രൂപ പിഴ സഹിതവും സമർപ്പിക്കാം.

ജൂണിലെ സപ്ലിമെന്ററി പരീക്ഷയ്ക്കുള്ള പ്രത്യേകാനുമതി ആവശ്യമുള്ളവർക്ക് അപേക്ഷകൾ ഏപ്രിൽ 21നു മുൻപായി അതത് സ്ഥാപനമേധാവികൾ മുഖേന സമർപ്പിക്കണം. ഏപ്രിൽ 28 വരെ 200 രൂപ പിഴ സഹിതവും അപേക്ഷ സ്വീകരിക്കും. നിർദിഷ്ട തിയതിക്കുശേഷം ലഭിക്കുന്ന അപേക്ഷകൾ പരിഗണിക്കുന്നതല്ല എന്ന് ഐ.എച്ച്.ആർ.ഡി ഡയറക്ടർ അറിയിച്ചു.