Post Category
ജന്‍ ജാതിയ ഗൗരവ് ദിനം ആചരിച്ചു
നെഹ്റു യുവ കേന്ദ്രയുടെയും യുവശക്തി തൃക്കണ്ണാട് ക്ലബ്ബിന്റെയും സംയുക്ത ആഭിമുഖ്യത്തില്‍ സ്വാതന്ത്ര്യ സമര പോരാട്ടത്തില്‍ രക്തസാക്ഷിയായ ആദിവാസി ഗോത്ര വര്‍ഗ്ഗങ്ങളുടെ സംരക്ഷണത്തിനായി പോരാടിയ ബിര്‍സ മുണ്ടയുടെ ജന്മ ദിവസം ജന്‍ ജാതിയ ഗൗരവ് ദിനം ആചരിച്ചു. ബിര്‍സ മുണ്ടയുടെ ജീവിതത്തെ കുറിച്ച് പ്രത്യേക ക്ലാസ്സും ക്വിസ് മത്സരവും വൃക്ഷ തൈ നടലും സംഘടിപ്പിച്ചു. കോട്ടിക്കുളം മഹാത്മാ കോളേജില്‍ നടത്തിയ ജന്മവാര്‍ഷിക ദിനാചാരണം ഉദുമ ഗ്രാമപഞ്ചായത്ത് വാര്‍ഡ് മെമ്പര്‍ ഹാരിസ് അങ്കകളരി ഉദ്ഘാടനം ചെയ്തു. ഡോ. എ.പി.ജെ അബ്ദുള്‍ കലാം ഹിസ്റ്ററി അക്കാദമി ഡയറക്ടര്‍ ബി.എല്‍ വിപിന്‍ലാല്‍ ക്ലാസ്സ് നയിച്ചു. മഹാത്മാ കോളേജ് പ്രിന്‍സിപ്പല്‍ കസ്തൂരി ടീച്ചര്‍, ക്ലബ് ഭാരവാഹികളായ ബാലു, മഞ്ചുനാഥ്, സുധീപ്, വിനയരാജ്, കിരണ്‍ എന്നിവര്‍ സംസാരിച്ചു.
date
- Log in to post comments