സംസ്ഥാന ജൂനിയര്‍ ഫെന്‍സിങ് ചാമ്പ്യന്‍ഷിപ്പ് സമാപിച്ചു
സംസ്ഥാന ജൂനിയര്‍ ഫെന്‍സിങ് ചാമ്പ്യന്‍ഷിപ്പ് സമാപിച്ചു
തൃശ്ശൂര്‍ വി.കെ.എന്‍ മേനോന്‍ ഇന്‍ഡോര്‍ സ്റ്റേഡിയത്തില്‍ നടത്തിയ ജൂനിയര്‍ ഫെന്‍സിങ്ങ് ചാമ്പ്യന്‍ഷിപ്പ് സമാപിച്ചു. തൃശ്ശൂര്‍ സിറ്റി പോലീസ് കമ്മീഷണര്‍ ആര്‍. ഇളങ്കോ വിജയികള്‍ക്കുള്ള സമ്മാനദാനം നിര്‍വ്വഹിച്ചു. തൃശ്ശൂര്‍ ജില്ലാ സ്‌പോര്‍ട്സ് കൗണ്‍സില്‍ പ്രസിഡന്റ് കെ.ആര്‍. സാംബശിവന്‍ മുഖ്യാതിഥിയായി പങ്കെടുത്തു. പുരുഷവിഭാഗം ഓവറോള്‍ ചാമ്പ്യന്‍ഷിപ്പില്‍ 28 പോയിന്റോടുകൂടി വയനാട് ജില്ല ഒന്നാസ്ഥാനവും 26 പോയിന്റോടെ കണ്ണൂര്‍ ജില്ല രണ്ടാം സ്ഥാനവും 17 പോയിന്റോടുകൂടി മലപ്പുറം ജില്ലാ മൂന്നാം സ്ഥാനവും കരസ്ഥമാക്കി.
വനിതാവിഭാഗത്തില്‍ ഓവറോള്‍ ചാമ്പ്യന്‍ഷിപ്പില്‍ കണ്ണൂര്‍ ജില്ല 37 പോയിന്റോടുകൂടി ഒന്നാസ്ഥാനവും 27 പോയിന്റോടെ വയനാട് ജില്ലാ രണ്ടാം സ്ഥാനവും 19 പോയിന്റോടുകൂടി തൃശ്ശൂര്‍ ജില്ലാ മൂന്നാം സ്ഥാനവും കരസ്ഥമാക്കി. സീനിയര്‍ പുരുഷ-വനിതാവിഭാഗം ഫെന്‍സിങ്ങ് ചാമ്പ്യന്‍ഷിപ്പ് ആരംഭിച്ചു. നവംബര്‍ 27ന് ചാമ്പ്യന്‍ഷിപ്പ് സമാപിക്കും.
- Log in to post comments