ബാങ്ക് മാനേജര്‍മാര്‍ക്ക് പരിശീലന ക്ലാസ്സ് നടത്തി
കുടുംബശ്രീ കാസര്‍കോട് ജില്ലാമിഷന്‍ ജില്ലയിലെ ബാങ്ക് മാനേജര്‍മാര്‍ക്ക് പരിശീലന ക്ലാസ്സ് നടത്തി. ബാങ്കിംഗ് മേഖലയില്‍ കുടുംബശ്രീയുമായുള്ള ബന്ധം സാമ്പത്തിക ഉള്‍ചേര്‍ക്കല്‍, കുടുംബശ്രീ പദ്ധതികള്‍, ബാങ്കിംഗ് മേഖലയിലെ ബന്ധങ്ങള്‍ തുടങ്ങിയ വിഷയങ്ങളിലായിരുന്നു പരിശീലന ക്ലാസ്സ് നടന്നത്. പരപ്പ, നീലേശ്വരം, കാഞ്ഞങ്ങാട് എന്നീ ബ്ലോക്കുകളിലെ നൂറോളം മാനേജര്‍മാര്‍, കുടുംബശ്രീ സിഡിഎസ് ചെയ്പേഴ്‌സന്മാര്‍, ജില്ലാ മീഷന്‍ അംഗങ്ങള്‍ എന്നിവര്‍ ക്ലാസ്സില്‍ പങ്കെടുത്തു. പരിശീലന പരിപാടി കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ ടി ടി സുരേന്ദ്രന്‍ ഉദ്ഘാടനം ചെയ്തു. സി ഡി എസ് ചെയര്‍പേഴ്‌സണ്‍ കെ സുജിനി അധ്യക്ഷത വഹിച്ചു. അസിസ്റ്റന്റ് കോ -കോര്‍ഡിനേറ്റര്‍മാരായ ഡി ഹരിദാസ്, സി എച്ച് ഇക്ബാല്‍, സി എം സൗദ, ലീഡ് ബാങ്ക് ഓഫീസര്‍ ബി ഹരീഷ് എന്നിവര്‍ സംസാരിച്ചു. സിഡിഎസ് ചെയര്‍പേഴ്‌സണ്‍ സനൂജ സൂര്യ പ്രകാശ് സ്വാഗതവും സിഡിഎസ് ചെയര്‍പേഴ്‌സണ്‍ സൂര്യ ജാനകി നന്ദിയും പറഞ്ഞു.
- Log in to post comments