സാമ്പത്തിക ആനുകൂല്യത്തിന് അപേക്ഷ ക്ഷണിച്ചു     

തളിപ്പറമ്പ് ബ്ലോക്ക് പഞ്ചായത്തിന്റെ 2017-18 വാര്‍ഷിക പദ്ധതിയില്‍ ഉള്‍പ്പെടുത്തി പട്ടികജാതി വികസന മേഖലയില്‍ നടപ്പിലാക്കുന്ന പട്ടികജാതി വിദ്യാര്‍ത്ഥികള്‍ക്ക് മെറിറ്റോറിയസ് ഗ്രാന്റ്  എന്ന പരിശീലന പദ്ധതിയില്‍ സാമ്പത്തിക ആനുകൂല്യം ലഭിക്കുന്നതിന് സംസ്ഥാന സര്‍ക്കാരോ സര്‍ക്കാര്‍ ചുമതലപ്പെടുത്തിയിട്ടുളള ഏജന്‍സികളോ നടത്തുന്ന കോഴ്‌സുകളില്‍ കേന്ദ്രസംസ്ഥാനതല പ്രവേശന പരീക്ഷയില്‍ യോഗ്യത നേടി പഠനം നടത്തുന്ന വിദ്യാര്‍ത്ഥികളില്‍ നിന്ന് അപേക്ഷ ക്ഷണിച്ചു.    ജാതി, വരുമാന സര്‍ട്ടിഫിക്കറ്റുകള്‍, ഇപ്പോള്‍ പഠനം നടത്തുന്ന സ്ഥാപന മേധാവിയുടെ സാക്ഷ്യപത്രം, എന്‍ട്രന്‍സ് പരീക്ഷ പ്രകാരം ലഭിച്ച അലോട്ട്‌മെന്റ് മെമ്മോയുടെ പകര്‍പ്പ്(സ്ഥാപന മേധാവി സാക്ഷ്യപ്പെടുത്തിയത്) സഹിതമുളള അപേക്ഷ 28 ന് വൈകിട്ട് 5 മണിക്ക് മുമ്പ് അപേക്ഷകന്‍ താമസിക്കുന്ന ഗ്രാമപഞ്ചായത്തില്‍ സമര്‍പ്പിക്കണം.  കൂടുതല്‍ വിവരങ്ങള്‍ തളിപ്പറമ്പ് ബ്ലോക്ക് പട്ടികജാതി വികസന ഓഫീസിലും അതത് ഗ്രാമപഞ്ചായത്തിലും എസ് സി പ്രമോട്ടര്‍മാരില്‍ നിന്നും ലഭിക്കും.
പി എന്‍ സി/4468/2017