സംസ്ഥാന സ്‌കൂൾ ശാസ്‌ത്രോത്സവം: സ്പെഷ്യൽ അസംബ്ലിയും ശാസ്ത്രോത്സവ പതാക ഉയർത്തലും നടന്നു

ആലപ്പുഴയിൽ നവംബർ 15 മുതൽ 18 വരെ നടക്കുന്ന സംസ്ഥാന സ്കൂൾ ശാസ്ത്രോത്സവത്തോടനുബന്ധിച്ച്  തിങ്കളാഴ്ച ജില്ലയിലെ എല്ലാ വിദ്യാലയങ്ങളിലും സ്പെഷ്യൽ അസംബ്ലിയും, ശാസ്ത്രോത്സവ പതാക ഉയർത്തലും, പോസ്റ്റർ പതിക്കലും നടന്നു. വിദ്യാഭ്യാസ സ്ഥാപനങ്ങളിലെ ഹെഡ്മാസ്റ്റർമാർ, പ്രിൻസിപ്പൽമാർ, ചുമതലയുള്ള മറ്റ് അധ്യാപകർ തുടങ്ങിയവരുടെ മികച്ച പങ്കാളിത്തവും സഹകരണവും ഉണ്ടായി. ശാസ്ത്രമേളയുടെ പ്രചാരണം പൊതുസമൂഹത്തിലും വിദ്യാർഥികളിലും  എത്തിക്കുന്നതിന്റെ ഭാഗമായാണ് പരിപാടികൾ സംഘടിപ്പിച്ചത്.

ചിത്രം) ലജ്നത്തുൽ മുഹമ്മദിയ ഹയർ സെക്കൻററി സ്ക്കൂൾ പ്രിൻസിപ്പൽ ടി എ അഷറഫ് കുഞ്ഞാശാൻ ശാസ്ത്രോത്സവ പതാക ഉയർത്തുന്നു.

(പി.ആർ/എ.എൽ.പി./2302)