റേഷൻ കാർഡ് മസ്റ്ററിങ് 

പാലക്കാട് താലൂക്കിൽ ഇനിയും റേഷൻ കാർഡ് മസ്റ്ററിങ് ചെയ്യാൻ സാധിക്കാത്തവർക്കായി നവംബർ 25, 26, 27  തീയതികളിൽ  താലൂക്ക് സപ്ലൈ ഓഫീസിൽ വെച്ച്  ഐറിസ് സ്കാനർ/ഫേസ് ആപ്പ് ഉപയോഗിച്ച് മസ്റ്ററിങ് നടത്തും. ഈ ദിവസങ്ങളിൽ രാവിലെ 10.30 മുതൽ 4.30 വരെ ആയിരിക്കും മസ്റ്ററിങ്. കൈവിരലുകൾ ഉപയോഗിച്ച് മസ്റ്ററിങ് സാധിക്കാതെ വന്ന റേഷൻ കാർഡ് അംഗങ്ങൾ ഈ സൗകര്യം ഉപയോഗപ്പെടുത്തണമെന്ന് പാലക്കാട് താലൂക്ക് സപ്ലൈ ഓഫീസർ അറിയിച്ചു. ഇതിനായി റേഷൻ കാർഡ്, ആധാർ കാർഡ്, ആധാർ കാർഡിൽ രജിസ്റ്റർ ചെയ്ത മൊബൈൽ നമ്പർ എന്നിവ കൈവശം വെക്കണം. കൂടാതെ പി എച്ച് എച്ച് /എ എ വൈ കാർഡിൽ ഉൾപ്പെട്ട മരണമടഞ്ഞ വ്യക്തികളുടെ പേരുകൾ നീക്കം ചെയ്യുന്നതിന് അക്ഷയ കേന്ദ്രങ്ങൾ മുഖാന്തിരം അപേക്ഷ സമർപ്പിക്കേണ്ടതാന്നെന്നും  താലൂക്ക് സപ്ലൈ ഓഫീസർ അറിയിച്ചു.

ReplyReply allForward Add reaction