സൂക്ഷ്മ തൊഴില്‍ സംരഭങ്ങള്‍ക്ക് ധനസഹായം

ഫിഷറീസ് വകുപ്പിന് കീഴില്‍ പ്രവര്‍ത്തിക്കുന്ന സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍ വിമണ്‍ -സാഫ്, തീരമൈത്രി പദ്ധതിയുടെ ഭാഗമായി സൂക്ഷ്മ തൊഴില്‍ സംരംഭ യൂണിറ്റ് തുടങ്ങുന്നതിന് അപേക്ഷ ക്ഷണിച്ചു. ഒരു അംഗത്തിന് 75,000 രൂപ വരെയും, നാലുപേരടങ്ങുന്ന ഒരു സംഘത്തിന് മൂന്ന്  ലക്ഷം രൂപ വരെയും തിരിച്ചടക്കാത്ത ഗ്രാന്റായി ലഭിക്കും. അപേക്ഷകള്‍ അതത് ജില്ലകളിലെ ഫിഷറീസ് ഡെപ്യൂട്ടി ഡയറക്ടര്‍ ഓഫീസ്, മത്സ്യഭവന്‍ ഓഫീസ് എന്നിവിടങ്ങളില്‍ നിന്ന് ലഭിക്കും. അപേക്ഷകര്‍ മത്സ്യ ഗ്രാമങ്ങളിലെ സ്ഥിര താമസക്കാരോ യഥാര്‍ത്ഥ മല്‍സ്യത്തൊഴിലാളികളുടെ ആശ്രിതരോ പരമ്പരാഗതമായി മല്‍സ്യബന്ധനം നടത്തുന്നവരോ ആയ 20 നും 50 നും മധ്യേ പ്രായമുള്ള സ്ത്രീകള്‍ ആയിരിക്കണം.  കൂടുതല്‍ വിവരങ്ങള്‍ക്ക് 9847907161, 9895332871,18004257643.
(പി.ആര്‍.പി 1619/2018)