മത്സ്യകൃഷി അപേക്ഷ ക്ഷണിച്ചു

          ജനകീയ മത്സ്യകൃഷി രണ്ടാം ഘട്ട പദ്ധതിയുടെ ഭാഗമായി ജില്ലയില്‍ മത്സ്യകൃഷി ചെയ്യുന്നതിന് താല്പര്യമുള്ള കര്‍ഷകരില്‍ നിന്നും നിശ്ചിത മാതൃകയില്‍ അപേക്ഷ ക്ഷണിച്ചു. ചെറുകിട കുളങ്ങള്‍ (50 സെന്റില്‍ താഴെ) മാതൃക കുളങ്ങള്‍ (50 സെന്റിന് മുകളില്‍) എന്നീ വിഭാഗങ്ങളില്‍ അപേക്ഷിക്കാം. അപേക്ഷകള്‍ പഞ്ചായത്ത് തല അക്വാകള്‍ച്ചര്‍ പ്രമോട്ടര്‍മാര്‍ക്കോ പൂക്കോടുള്ള ഫിഷറീസ് അസിസ്റ്റന്റ് ഡയറക്ടറുടെ കാര്യാലയത്തില്‍ നേരിട്ടോ സമര്‍പ്പിക്കാം. അപേക്ഷ ലഭിക്കേണ്ട അവസാന തീയതി നവംബര്‍ 20 ന് വൈകുന്നേരം 5 മണി.