അന്താരാഷ്ട്ര ചലച്ചിത്രമേള:  മീഡിയ രജിസ്‌ട്രേഷൻ ഇന്നാരംഭിക്കും

(പി.എൻ.എ.2816/17)

    
ആലപ്പുഴ: ഡിസംബർ എട്ടു മുതൽ 15 വരെ തിരുവനന്തപുരത്ത് നടക്കുന്ന 22-ാമത് അന്താരാഷ്ട്ര ചലച്ചിത്രമേളയുടെ മീഡിയ രജിസ്‌ട്രേഷൻ 22 മുതൽ 24 വരെ നടക്കും.  മേള റിപ്പോർട്ടു ചെയ്യുന്ന മാധ്യമപ്രതിനിധികൾ നിശ്ചയിച്ച തീയതിക്കുള്ളിൽ ഓൺലൈനായി രജിസ്‌ട്രേഷൻ നടത്തണം. രജിസ്റ്റർ ചെയ്ത മാധ്യമപ്രവർത്തകരുടെ ലിസ്റ്റ് തിരുവനന്തപുരം ബ്യൂറോ ചീഫ് സാക്ഷ്യപ്പെടുത്തി നവംബർ 28 വൈകിട്ട് അഞ്ചിനകം പി.ആർ.ഡി. പ്രസ് റിലീസ് വിഭാഗത്തിൽ നൽകണം. ഫ്രീലാൻസ് പ്രവർത്തകർ ഓൺലൈനായി രജിസ്റ്റർ ചെയ്ത ശേഷം വാർത്തകൾ നൽകുന്ന മാധ്യമ സ്ഥാപനത്തിന്റെ മേധാവിയുടെ കത്ത് നൽകണം. നിശ്ചിത തീയതിക്കുശേഷം ലഭിക്കുന്ന അപേക്ഷകൾ പരിഗണിക്കുന്നതല്ല. പ്രവേശനപാസുകൾ ഡിസംബർ നാലിന് വിതരണം ചെയ്യും.
 

(പി.എൻ.എ.2817/17)