ജേതാക്കളെ പ്രഖ്യാപിച്ചു

കേരള മീഡിയ അക്കാദമി ഹയര്‍സെക്കന്ററി-കോളേജ് വിദ്യാര്‍ത്ഥികള്‍ക്കായി പലസ്തീന്‍ വിഷയം അടിസ്ഥാനമാക്കി സംഘടിപ്പിച്ച വാര്‍ത്താവതരണ മത്സരത്തില്‍ രണ്ടു പേര്‍ക്ക് സമ്മാനം.
കോട്ടയം ഈരാറ്റുപേട്ട മുസ്ലിം ഗേള്‍സ് ഹയര്‍സെക്കന്ററി സ്‌കൂളിലെ പ്ലസ് ടു വിദ്യാര്‍ത്ഥിനി മിനാ മറിയം നവാസ്  ഒന്നാം സമ്മാനത്തിനും മഞ്ചേരി നോബിള്‍ വുമണ്‍സ് കോളേജ് ബി എസ് സി രണ്ടാംവര്‍ഷ സുവോളജി വിദ്യാര്‍ത്ഥിനി കെ പി ഷഹ്‌മ രണ്ടാം സ്ഥാനത്തേക്കും തിരഞ്ഞെടുത്തു. പലസ്തീന്‍ വിഷയം കേന്ദ്രമാക്കി അഞ്ച് മിനിറ്റില്‍ കുറയാത്ത വാര്‍ത്താ ബുള്ളറ്റിന്‍ തയ്യാറാക്കി അവതരിപ്പിച്ച് അയക്കുക എന്നതായിരുന്നു മത്സരം. കേരള മീഡിയ അക്കാദമിയുടെ മീഡിയ ക്ലബ്ബ് പദ്ധതിയുടെ ഭാഗമായാണ് മത്സരം സംഘടിപ്പിച്ചത്. 
കേരള യൂണിവേഴ്‌സിറ്റി ഇന്‍സ്റ്റിറ്റ്യൂട്ട് ഓഫ് ഇംഗ്ലീഷ് ഡയറക്ടര്‍ ഡോ. മീനാ ടി പിള്ള, മുതിര്‍ന്ന മാധ്യമപ്രവര്‍ത്തകന്‍ പി വി മുരുകന്‍ എന്നിവര്‍ അംഗങ്ങളായ സമിതിയാണ് ജേതാക്കളെ തിരഞ്ഞെടുത്തത്.