Post Category
അടൂര്‍ വിദ്യാഭ്യാസ ഉപജില്ലാ കലോത്സവത്തിന് തുടക്കമായി
കുട്ടികളുടെ സര്‍ഗശേഷികള്‍ വികസിപ്പിക്കുവാന്‍ കലോത്സവവേദികളിലൂടെ സാധിക്കുന്നുവെന്ന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ പറഞ്ഞു. അടൂര്‍ ഉപജില്ലാ കലോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കൊടുമണ്‍ ഗ്രാമപഞ്ചായത്ത് പ്രസിഡന്റ് കെ. കെ. ശ്രീധരന്‍ അധ്യക്ഷന്‍ ആയിരുന്നു. കൊടുമണ്‍ ഗ്രാമപഞ്ചായത്ത് വൈസ് പ്രസിഡന്റ് ധന്യദേവി മുഖ്യപ്രഭാഷണം നടത്തി. ഉപജില്ലാ വിദ്യാഭ്യാസ ഡയറക്ടര്‍ സീമാ ദാസ്, രാഷ്ട്രീയ സാംസ്‌കാരിക പ്രമുഖര്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. എല്‍ പി, ഹൈസ്‌കൂള്‍, ഹയര്‍സെക്കന്‍ഡറി വിഭാഗങ്ങളിലായി 3500ല്‍ പരം കുട്ടികളാണ് മാറ്റുരയ്ക്കുന്നത്. കലോത്സവം 13ന് സമാപിക്കും. (പിഎന്‍പി 2481/24)
date
- Log in to post comments