ഉപതിരഞ്ഞെടുപ്പ്: അവധി പാലക്കാട് മണ്ഡലത്തില്‍ മാത്രം

പാലക്കാട് ഉപതിരഞ്ഞെടുപ്പിനോടനുബന്ധിച്ച് വോട്ടെടുപ്പ് നടക്കുന്ന നവംബര്‍ 20 ന് പാലക്കാട് നിയോജക മണ്ഡല പരിധിയിലുള്ള വിദ്യാഭ്യാസ സ്ഥാപനങ്ങൾക്കും സർക്കാർ ഓഫീസുകൾക്കും മാത്രമാണ് പൊതു ഭരണ വകുപ്പ് അവധി പ്രഖ്യാപിച്ചിട്ടുള്ളതെന്ന് ജില്ലാ കളക്ടര്‍ അറിയിച്ചു. നവംബർ 20ന് ജില്ലയിലെ എല്ലാ സ്‌കൂളുകൾക്കും, സർക്കാർ സ്ഥാപനങ്ങൾക്കും അവധി നൽകിക്കൊണ്ട് തിരഞ്ഞെടുപ്പ് കമ്മീഷൻ ഉത്തരവിറക്കിയതായി 12.11.2024 ന് ചില പത്രങ്ങളിൽ വന്ന വാര്‍ത്ത ശരിയല്ലെന്നും ജില്ലാ കളക്ടര്‍ അറിയിച്ചു.