സ്‌കോളര്‍ഷിപ്പ് അപേക്ഷ ക്ഷണിച്ചു

അപേക്ഷകര്‍ 2024-25 വര്‍ഷം കാസര്‍കോട് ജില്ലയിലെ സര്‍ക്കാര്‍, എയ്ഡഡ് സ്‌കൂളുകളില്‍ 5, 8  ക്ലാസ്സുകളില്‍ പഠിക്കുന്ന പട്ടികജാതി വിഭാഗം വിദ്യാര്‍ത്ഥികളില്‍ നിന്നും സ്‌കോളര്‍ഷിപ്പിന് അപേക്ഷ ക്ഷണിച്ചു. അപേക്ഷകര്‍ 2023-24 വര്‍ഷം 4, 7 ക്ലാസ്സുകളിലെ വാര്‍ഷിക പരീക്ഷയില്‍ എല്ലാ വിഷയങ്ങള്‍ക്കും എ ഗ്രേഡ് ലഭിച്ചവരായിരിക്കണം. പട്ടികജാതി ദുര്‍ബല വിഭാഗം വിദ്യാര്‍ത്ഥികള്‍ക്ക് ബി ഗ്രേഡ് വരെ ഉള്ളവര്‍ക്കും അപേക്ഷിക്കാം.  രക്ഷിതാക്കളുടെ വാര്‍ഷിക വരുമാനം ഒരു ലക്ഷം രൂപയില്‍ അധികരിക്കരുത്.  അപേക്ഷ ഫോറം എല്ലാ ബ്ലോക്ക് പട്ടികജാതി വികസന ഓഫീസിലും ലഭ്യമാണ്.  അപേക്ഷകള്‍ അസ്സല്‍ സര്‍ട്ടിഫിക്കറ്റുകള്‍ സഹിതം ബന്ധപ്പെട്ട ബ്ലോക്ക് പട്ടികജാതി വികസന ഓഫീസില്‍ നവംബര്‍ 15നകം ലഭിക്കണം. ഫോണ്‍- 0499-4256162.