വനിതാ കമ്മിഷൻ സിറ്റിങ്ങിൽ 26 പരാതികൾ തീർപ്പാക്കി

വനിതാ കമ്മിഷൻ അംഗം വി.ആര്‍. മഹിളാമണിയുടെ നേതൃത്വത്തിൽ  ആലപ്പുഴ ജെൻഡർ പാർക്കിൽ നടന്ന വനിതാ കമ്മിഷൻ സിറ്റിങ്ങിൽ  26 പരാതികൾ തീർപ്പാക്കി. 12 പരാതികൾ  പൊലീസിന്റെ റിപ്പോര്‍ട്ടിന് വേണ്ടി കൈമാറി. രണ്ടു പരാതികൾ ജാഗ്രതാ സമിതിയുടെ റിപ്പോര്‍ട്ടിനായി  അയച്ചു.  40 പരാതികൾ അടുത്ത സിറ്റിങ്ങിൽ പരിഗണിക്കും.  പുതിയതായി  രണ്ടു പരാതികൾ ഇന്നത്തെ സിറ്റിങ്ങിൽ ലഭിച്ചു.ആകെ  80 പരാതികളാണ് സിറ്റിങ്ങിൽ പരിഗണിച്ചത്.
അഡ്വ. ജിനു എബ്രഹാം, അഡ്വ. രേഷ്മ ദിലീപ്, അഡ്വ. മിനിസാ , കൗൺസിലർമാർ, വനിതാ സെല്ലിലെ പൊലീസ് ഉദ്യോഗസ്ഥർ, വനിതാ കമ്മിഷൻ ജീവനക്കാർ എന്നിവർ പങ്കെടുത്തു.

(പി.ആര്‍/എ.എല്‍.പി./2328)