യുവഉത്സവ് നവംബര്‍ 16ന്
ഭാരത സര്‍ക്കാര്‍ യുവജനകാര്യ കായിക മന്ത്രാലയത്തിന് കീഴില്‍ പ്രവര്‍ത്തിക്കുന്ന നെഹ്റു യുവകേന്ദ്രയുടെ ആഭിമുഖ്യത്തില്‍ ജില്ലാതല യുവഉത്സവ് നവംബര്‍ 16ന് ചെങ്ങന്നൂര്‍ സെന്റ് തോമസ് കോളേജ് ഓഫ് എന്‍ജിനീയറിങ്ങില്‍ വെച്ച് നടക്കും. ഫിഷറീസ് സാംസ്‌കാരിക യുവജനകാര്യവകുപ്പ് മന്ത്രി സജി ചെറിയാന്‍ ഉദ്ഘാടനം നിര്‍വഹിക്കും. രാവിലെ ഒമ്പതു മണിക്ക് രജിസ്ട്രേഷന്‍ ആരംഭിക്കും. സയന്‍സ് മേള, മൊബൈല്‍
ഫോട്ടോഗ്രാഫി, മലയാളം കവിതാരചന, വാട്ടര്‍ കളറിംഗ്, ഇംഗ്ലീഷ്/ഹിന്ദി പ്രസംഗമത്സരം, നാടോടിനൃത്തം എന്നിവയില്‍ മത്സരങ്ങള്‍ സംഘടിപ്പിക്കും. വിജയികള്‍ക്ക് സര്‍ട്ടിഫിക്കറ്റ്, ക്യാഷ് പ്രൈസ് എന്നിവ സമ്മാനിക്കും. ഒന്നാം സ്ഥാനത്തെത്തുന്നവര്‍ക്ക് സംസ്ഥാന തലമത്സരത്തില്‍ പങ്കെടുക്കുവാന്‍ അവസരം ലഭിക്കും. 15 നും 29 നും മധ്യേ പ്രായമുള്ളവര്‍ക്ക് പങ്കെടുക്കാം. വിശദവിവരങ്ങള്‍ക്ക് ഫോണ്‍: 8714508255.
(പി.ആര്‍./എ.എല്‍.പി/2344)
- Log in to post comments