ജോബ് ഫെയര്‍ നവംബര്‍ 16 ന്

തലപ്പിള്ളി മോഡല്‍ കരിയര്‍ സെന്റര്‍ ആന്‍ഡ് ടൗണ്‍ എംപ്ലോയ്മെന്റ് എക്സ്ചേഞ്ച് നവംബര്‍ 16 ന് പ്രയുക്തി ജോബ് ഫെയര്‍ 2024 സംഘടിപ്പിക്കുന്നു. ശനിയാഴ്ച രാവിലെ 10 മുതല്‍ ഉച്ചയ്ക്ക് 2 വരെ വടക്കാഞ്ചേരി ഗവ. ഓഫീസ് കെട്ടിടത്തിന്റെ രണ്ടാം നിലയിലുള്ള തലപ്പിള്ളി ടൗണ്‍ എംപ്ലോയ്മെന്റ് എക്‌സ്‌ചേഞ്ച് ഹാളിലാണ് ജോബ് ഫെയര്‍ നടക്കുക. സെയില്‍സ് എക്സിക്യൂട്ടീവ്, ബിസിനസ് ഡെവലപ്മെന്റ് മാനേജര്‍, മാര്‍ക്കറ്റിംഗ് എക്സിക്യൂട്ടീവ്, ബ്രാഞ്ച് മാനേജര്‍, ടീം ലീഡര്‍, ഫിനാന്‍ഷ്യല്‍ അഡൈ്വസര്‍ തുടങ്ങിയ തസ്തികകളിലായി വിവിധ സ്വകാര്യ സ്ഥാപനങ്ങളിലെ നാനൂറോളം ഒഴിവുകളിലേക്കാണ് കൂടിക്കാഴ്ച നടക്കുക. പത്താം ക്ലാസ്സ്, പ്ലസ്ടു, ഡിപ്ലോമ, ബിരുദം, ബിരുദാനന്തര ബിരുദം എന്നീ യോഗ്യതയുള്ളവര്‍ക്ക് പങ്കെടുക്കാം. ഉദ്യോഗാര്‍ത്ഥികള്‍ ബയോഡാറ്റയും അസ്സല്‍ സര്‍ട്ടിഫിക്കറ്റുകളും അഭിമുഖത്തിനെത്തുമ്പോള്‍ കൊണ്ടുവരണം.

സ്പോട്ട് രജിസ്ട്രേഷനും ഉണ്ടായിരിക്കും. രജിസ്ട്രേഷനും മറ്റു വിവരങ്ങള്‍ക്കുമായി 04884 235660, 9605808314 എന്നീ നമ്പറിലോ mccthalappilly.ncs@gmail.com എന്ന ഇ-മെയില്‍ വിലസാലത്തിലോ ബന്ധപ്പെടുക.