Post Category
ആപതാമിത്ര അംഗങ്ങള്‍ക്ക് ബാഡ്ജ് ഓഫ് ഓണര്‍ നല്‍കുന്നു
അന്താരാഷ്ട്ര ദുരന്ത ലഘൂകരണ ദിനാചരത്തോടനുബന്ധിച്ച് ജില്ലയിലെ ആപതാമിത്ര അംഗങ്ങള്‍ക്ക് ബാഡ്ജ് ഓഫ് ഓണര്‍ നല്‍കുന്നു. നവംബര്‍ 20ന് രാവിലെ 11ന് കാസര്‍കോട് കളക്ടറേറ്റ് മിനി കോണ്‍ഫറന്‍സ് ഹാളില്‍ നടക്കുന്ന പരിപാടി ജില്ലാ കളക്ടര്‍ കെ. ഇമ്പശേഖര്‍ ഉദ്ഘാടനം ചെയ്യും. തിരഞ്ഞെടുത്ത പത്ത് ആപതാമിത്ര വളണ്ടിയര്‍മാര്‍ക്കാണ് ബാഡ്ജ് ഓഫ് ഓണര്‍ നല്‍കുന്നത്. മറ്റ് വളണ്ടിയര്‍മാര്‍ക്ക് സര്‍ട്ടിഫിക്കേറ്റ് വിതരണം ചെയ്യും. ഫിലിപ്പൈന്‍സിലെ മനിലയില്‍ നടന്ന ഏഷ്യ-പസഫിക് മിനിസ്റ്റീരിയല്‍ കോണ്‍ഫറന്‍സ് ഓണ്‍ ഡിസാസ്റ്റര്‍ റിസ്‌ക് റിഡക്ഷന്‍ സമ്മേളനത്തില്‍ ലോക്കല്‍ ലീഡര്‍ ചാമ്പ്യന്‍ പട്ടം നേടിയ വലിയ പറമ്പ് ഗ്രാമപഞ്ചായത്ത് പ്രസിഡന്റ് വി.വി സജീവനെ ചടങ്ങില്‍ അനുമോദിക്കും. ഒക്ടോബര്‍ 18ന് നടത്താനിരുന്ന ചടങ്ങ് നീലേശ്വരം വെടിക്കെട്ട് അപകടത്തെ തുടര്‍ന്ന് നീട്ടിവെച്ചതായിരുന്നു.
date
- Log in to post comments