*കായിക താരങ്ങളെ ആദരിച്ചു*

ജില്ലാ അത് ലറ്റിക്സ് അസോസിയേഷൻ ആഭിമുഖ്യത്തിൽ സംസ്ഥാനതല ജൂനിയർ,സീനിയർ, ജാവലിൻത്രോ ചാമ്പ്യൻഷിപ്പ്, സംസ്ഥാന സ്കൂൾ അത് ലറ്റിക്സ് മീറ്റ് എന്നിവയിൽ മെഡൽ നേടിയ കായിക താരങ്ങളെയും പരിശീലകരെയും ആദരിച്ചു. ജില്ലാ സ്പോർട്സ് കൗൺസിൽ ഹാളിൽ നടന്ന പരിപാടി ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ ഉദ്ഘാടനം ചെയ്തു. യോഗത്തിൽ കായിക പരിശീലകരായ കെ.വി സജി, ഷിജിൻ തിരൂർ, അർജ്ജുൻ തോമസ്, ആർ. എസ് മിഥുൻ, വി.എം സത്യൻ, പി.ജി ഗിരീഷ്, 1അബൂബക്കർ സിദ്ദീഖ്, ടി. താലിബ് എന്നിവരെ ആദരിച്ചു. സ്പോർട്സ് കൗൺസിൽ പ്രസിഡന്റ്  എം. മധു,  അത്‌ലറ്റിക്സ് അസോസിയേഷൻ പ്രസിഡന്റ്  സി.പി സജി, സ്പോട്സ് കൗൺസിൽ വൈസ് പ്രസിഡൻ്റ് സലിം കടവൻ, അത്‌ലറ്റിക് അസോസിയേഷൻ സെക്രട്ടറി ലൂക്ക ഫ്രാൻസിസ്, എ.ഡി ജോൺ, പി.കെ അയൂബ്, സജീഷ് മാത്യു എന്നിവർ സംസാരിച്ചു.