സംസ്ഥാന സീനിയർ - ജൂനിയർ ഫെൻസിങ്ങ് ചാമ്പ്യൻഷിപ്പ് തുടങ്ങി

29 മത് സംസ്ഥാന സീനിയർ - ജൂനിയർ ഫെൻസിങ്ങ് ചാമ്പ്യൻഷിപ്പ് തൃശ്ശൂർ വി.കെ.എൻ മേനോൻ ഇൻഡോർ സ്റ്റേഡിയത്തിൽ തുടങ്ങി. ജില്ലാ പഞ്ചായത്ത് പ്രസിഡന്റ് വി.എസ് പ്രിൻസ് ഉദ്ഘാടനം നിർവ്വഹിച്ചു. സംസ്ഥാന ഫെൻസിങ്ങ് അസോസിയേഷൻ പ്രസിഡണ്ട് ഒ.കെ വിനീഷ്, കാലിക്കറ്റ് യൂണിവേഴ്സിറ്റി ഡെപ്യൂട്ടി ഡയറക്ടർ ഡോ. ജി. ബിബിൻ, സംസ്ഥാന ഫെൻസിങ്ങ് അസോസിയേഷൻ സെക്രട്ടറി പി.എ മുജീബ് റഹ്മാൻ, മുൻ ഫെൻസിങ്ങ് അസോസിയേഷൻ സംസ്ഥാന സെക്രട്ടറി എം.എൻ നാരായണൻകുട്ടി, ജില്ലാ സ്പോർട്സ് കൗൺസിൽ എക്സിക്യുട്ടിവ് അംഗം കെ.എൽ മഹേഷ്‌, ജില്ലാ ഫെൻസിങ്ങ് അസോസിയേഷൻ പ്രസിഡണ്ട് അഖിൽ അനുരുദ്ധൻ, ജില്ലാ അസോസിയേഷൻ സെക്രട്ടറി ഫ്രഡ്രിൻ ജോസ് കുറ്റിക്കാടൻ എന്നിവർ സംസാരിച്ചു. 

14 ജില്ലാകളിൽ നിന്നായി അറുനൂറിൽപ്പരം കായിക താരങ്ങൾ പങ്കെടുക്കുന്ന ചാമ്പ്യൻഷിപ്പിന്റ ജൂനിയർ വിഭാഗം സമ്മാനദാനം ഇന്ന് (നവംബർ 25) തൃശ്ശൂർ സിറ്റി പോലീസ് കമ്മീഷണർ ആർ. ഇളങ്കോ നിർവ്വഹിക്കും. ജൂനിയർ മെൻസ് സാബർ വിഭാഗത്തിൽ വയനാട് ജില്ലയിലെ വിവേക് ഗോൾഡ് മെഡലും മലപ്പുറം ജില്ലയിലെ എസ്. പാർഥിവ് സിൽവർ മെഡലും എറണാകുളം ജില്ലയിലെ എ. ഹെറിൻ മലപ്പുറം ജില്ലയിലെ ആദിത് ഗിരീഷ് എന്നിവർ ബ്രോൻസ് മെഡലും കരസ്ഥമാക്കി.