Post Category
മുഹമ്മ ആസാദ് മെമ്മോറിയല്‍ സ്‌കൂള്‍ കെട്ടിട നിര്‍മ്മാണോദ്ഘാടനം ഇന്ന് (26); മന്ത്രി പി പ്രസാദ് ഉദ്ഘാടനം ചെയ്യും
മുഹമ്മ കായിപ്പുറം ഗവ. ആസാദ് മെമ്മോറിയല്‍ എല്‍പി സ്‌കൂളിലെ പുതിയ കെട്ടിട സമുച്ചയത്തിന്റെ നിര്‍മ്മാണോദ്ഘാടനം നവംബര്‍ 26 ന് ചൊവ്വാഴ്ച രാവിലെ 9 മണിക്ക് സ്‌കൂളില്‍ കൃഷി വകുപ്പ് മന്ത്രി പി പ്രസാദ് നിര്‍വഹിക്കും. മന്ത്രി പി പ്രസാദിന്റെ ഇടപെടലിന്റെ ഫലമായി ലഭിച്ച 1.5 കോടി രൂപ ഉപയോഗിച്ചാണ് കെട്ടിടനിര്‍മ്മാണം ആരംഭിക്കുന്നത്. ഉദ്ഘാടന ചടങ്ങില്‍ കെ സി വേണുഗോപാല്‍ എം പി മുഖ്യാതിഥിയാവും. മുഹമ്മ ഗ്രാമപഞ്ചായത്ത് പ്രസിഡന്റെ സ്വപ്‌ന ഷാബു അധ്യക്ഷയാകും. ജില്ലാ പഞ്ചായത്ത് വൈസ് പ്രസിഡന്റ് എന്‍ എസ് ശിവപ്രസാദ്, ജില്ലാ പഞ്ചായത്തംഗം വി ഉത്തമന്‍, ഹെഡ്മിസ്ട്രസ്, മിനിമോള്‍ എസ്, മറ്റു ജനപ്രതിനിധികള്‍, രാഷ്ട്രീയ സാമൂഹിക സംഘടനാ പ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
(പി.ആര്‍./എ.എല്‍.പി/2452)
date
- Log in to post comments