സംരംഭകര്‍ക്ക് കയറ്റുമതി, ഇറക്കുമതി പരിശീലനം

എംഎസ്എംഇ മേഖലയിലെ കയറ്റുമതി ഇറക്കുമതി നടപടിക്രമങ്ങളെക്കുറിച്ച് അറിവ് നേടുവാന്‍ ആഗ്രഹിക്കുന്ന സംരംഭകര്‍ക്കായി വ്യവസായ വാണിജ്യവകുപ്പിന്റെ സംരഭകത്വ വികസന ഇന്‍സ്റ്റിറ്റ്യൂട്ടായ കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡെവലപ്പ്‌മെന്റ് (കീഡ്) മുന്ന് ദിവസത്തെ വര്‍ക്ക്‌ഷോപ്പ് സംഘടിപ്പിക്കുന്നു. ഡിസംബര്‍ മൂന്ന് മുതല്‍ അഞ്ചുവരെ കളമശ്ശേരിയിലുള്ള കീഡ് കാമ്പസിലാണ് പരിശീലനം. എംഎസ്എംഇ മേഖലയിലെ സംരംഭകര്‍, സംരംഭകരാകാന്‍ ആഗ്രഹിക്കുന്നവര്‍ എന്നിവര്‍ക്ക് പങ്കെടുക്കാം. 2950 രൂപയാണ് മൂന്ന് ദിവസത്തെ പരിശീലനഫീസ്. താമസം ആവശ്യമില്ലാത്തവര്‍ക്ക് 1200 രൂപയാണ് മൂന്ന് ദിവസത്തെ ഫീസ്. പട്ടികജാതി, പട്ടികവര്‍ഗക്കാര്‍ക്ക് 1800 രൂപ താമസം ഉള്‍പ്പെടെയും 800 രൂപ താമസം കൂടാതെയുമാണ് പരിശീലന ഫീസ്. പങ്കെടുക്കാന്‍ താല്‍പര്യമുള്ളവര്‍ http://kied.info/training-calender/ ല്‍ നവംബര്‍ 30 ന് മുമ്പ് അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് ഫോണ്‍: 0484 2532890, 0484 2550322, 9188922785. 
(പി.ആര്‍./എ.എല്‍.പി/2472)