ഭരണഭാഷാ വാരാഘോഷം: മൽസര വിജയികൾ

ആലപ്പുഴ: മലയാളദിനം, ഭരണഭാഷാവാരാചരണം എന്നിവയുടെ ഭാഗമായി ഇൻഫർമേഷൻ പബ്‌ളിക് റിലേഷൻസ് വകുപ്പിന്റെയും ജില്ലാ ഭരണകൂടത്തിന്റെയും സംയുക്താഭിമുഖ്യത്തിൽ ജില്ലയിലെ സർക്കാർ ജീവനക്കാർക്കായി സംഘടിപ്പിച്ച മത്സരങ്ങളുടെ ഫലം പ്രഖ്യാപിച്ചു. 
ഭാഷാപരിചയ മൽസരത്തിൽ തോമസ് പി.(ഗവ.എൽ.പി.സ്‌കൂൾ കാവാലം) ഒന്നാം സ്ഥാനവും ജോൺസൺ നൊറോണ (ജനറൽ ആശുപത്രി ആലപ്പുഴ) , മഞ്ജുള ജി(സീനിയർ ക്ലർക്ക്, കളക്ട്രേറ്റ്) എന്നിവർ യഥാക്രമം രണ്ടും മൂന്നും സ്ഥാനങ്ങളും നേടി. 

തർജ്ജമ മൽസരത്തിൽ അരുൺ ദാസ്(കളക്ട്രേറ്റ് ആലപ്പുഴ) ഒന്നാം സ്ഥാനം നേടി. വി. ജ്യോതി രശ്മി (ജില്ല പഞ്ചായത്ത് )രണ്ടാം സ്ഥാനവും ആർ. സേതുനാഥ് (സബ് ട്രഷറി ആലപ്പുഴ) മൂന്നാം സ്ഥാനവും നേടി. 

ഭാഷാ പ്രശ്‌നോത്തരിയിൽ പ്രദീപ് എസ് (ജിആർഎഫ് റ്റിഎച്ച്എസ്, അർത്തുങ്കൽ), ബേബി മാർഗററ്റ് ( ജിഎച്ച്എസ്എസ്, പറവൂർ) എന്നിവർ അടങ്ങിയ സംഘം ഒന്നാം സ്ഥാനവും രഞ്ജനാദേവി സി (പിഎച്ച്സി, കുപ്പപ്പുറം), പ്രീതി എസ് (എസ്ഡിവി ജിയുപിഎസ്, നീർക്കുന്നം) എന്നിവർ അടങ്ങിയ സംഘം രണ്ടാം സ്ഥാനവും നേടി. തോമസ് പി (ഗവ. എൽപിഎസ്, കാവാലം), ലിസ് മേരി ജോസഫ് ( എജെജെഎം എൽപിഎസ്, കൈനടി) എന്നിവർ അടങ്ങിയ സംഘത്തിനാണ് മൂന്നാം സ്ഥാനം.