ഓംബുഡ്‌സ്മാൻ സിറ്റിങ് വെള്ളിയാഴ്ച (നവംബർ 29)

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെയും പ്രധാനമന്ത്രി ആവാസ് യോജന പദ്ധതിയുടെയും ഓംബുഡ്‌സ്മാൻ വെള്ളിയാഴ്ച (നവംബർ 29) വെള്ളനാട് ബ്ലോക്ക് പഞ്ചായത്തിൽ സിറ്റിങ് നടത്തുന്നു. രാവിലെ 11 മുതൽ ഒരു മണി വരെയാണ് സിറ്റിങ്.

വെള്ളനാട് ബ്ലോക്ക് പ്രദേശത്തെ വിതുര, വെള്ളനാട്, ഉഴമലയ്ക്കൽ, തൊളിക്കോട്, പൂവച്ചൽ, കുറ്റിച്ചൽ, കാട്ടാക്കട, ആര്യനാട്, ഗ്രാമപഞ്ചായത്തുകളിലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി തൊഴിലാളികൾ, ഗുണഭോക്താക്കൾ, മേറ്റുമാർ, പൊതുപ്രവർത്തകർ, ജനപ്രതിനിധികൾ, ജീവനക്കാർ എന്നിവർക്കും പ്രധാനമന്ത്രി ആവാസ് യോജന ഭവന പദ്ധതി ഗുണഭോക്താക്കൾക്കും പരാതികളും നിർദേശങ്ങളും സിറ്റിങിൽ അറിയിക്കാം.