ഭിന്നശേഷി കായിക മേള; രജിസ്ട്രേഷന്‍ നവംബര്‍ 28 വരെ

സാമൂഹ്യ നീതി വകുപ്പിന്റെ ആഭിമുഖ്യത്തിലുള്ള അന്താരാഷ്ട്ര ഭിന്നശേഷി ദിനാചരണത്തിന്റെ ഭാഗമായി 'ഉണര്‍വ്വ് 2024' എന്ന പേരില്‍ കാസര്‍കോട്  ജില്ലയിലെ ഭിന്നശേഷിക്കാര്‍ക്കായി ഭിന്നശേഷി കായികമേള സംഘടിപ്പിക്കുന്നു. ഡിസംബര്‍ മൂന്നിന്് കാസറകോട്് പരവനടുക്കം മോഡല്‍ റസിഡന്‍ഷ്യല്‍ സ്‌കൂള്‍ ഫോര്‍ ഗേള്‍സില്‍ നടക്കുന്ന കായികമേളയില്‍ പങ്കെടുക്കാന്‍ ആഗ്രഹിക്കുന്ന ഭിന്നശേഷിക്കാര്‍ നവംബര്‍ 28നകം ജില്ലാ സാമൂഹ്യനീതി ഓഫീസില്‍ പേര് രജിസ്റ്റര്‍ ചെയ്യണം. സ്പെഷ്യല്‍ സ്‌കൂളുകളില്‍ നിന്നും പങ്കെടുക്കുന്നവര്‍ സ്ഥാപന മേധാവികള്‍ മുഖേന രജിസ്റ്റര്‍ ചെയ്യേണ്ടതാണ്. വിശദവിവരങ്ങള്‍ക്ക് ജില്ലാ സാമൂഹ്യനീതി ഓഫീസുമായി ബന്ധപ്പെടണം. ഫോണ്‍- 04994 255074.