ബഡ്‌സ് കലോത്സവം മല്‍ഹാര്‍ 2024 ന് ശ്രീ ശങ്കരാചാര്യ സംസ്‌കൃത സര്‍വ്വകലാശാലയില്‍ തിരി തെളിഞ്ഞു
കുടുംബശ്രീ ബഡ്‌സ് സ്ഥാപനങ്ങളുടെ ജില്ലാതല കലോത്സവം മല്‍ഹാര്‍ 2024 കാലടി ശ്രീ ശങ്കരാചാര്യസംസ്‌കൃത സര്‍വ്വകലാശാലയില്‍ ജില്ലാപഞ്ചായത്ത് പ്രസിഡന്റ് മനോജ് മൂത്തേടന്‍ ഉദ്ഘാടനം ചെയ്തു .
ബൗദ്ധികമായ വെല്ലുവിളികള്‍ നേരിടുന്ന കുട്ടികളുടെ ശാക്തീകരണവും കലാപ്രതിഭകളുടെ ഉന്നമനവും ലക്ഷ്യമിട്ട് കുടുംബശ്രീയുടെ 46 ബഡ്‌സ് സ്ഥാപനങ്ങളില്‍ പഠിക്കുന്ന വിദ്യാര്‍ത്ഥികളാണ് കലോത്സവത്തില്‍ മാറ്റുരക്കുന്നത്. കാലടി പഞ്ചായത്ത് പ്രസിഡന്റ് ഷൈജന്‍ തോട്ടപ്പിള്ളി അദ്ധ്യക്ഷത വഹിച്ചു.പ്രശസ്ത ചലച്ചിത്രതാരം അനാര്‍ക്കലി മരയ്ക്കാര്‍ മുഖ്യാതിഥിയായി.ശ്രീ ശങ്കരാചാര്യ സര്‍വ്വകലാശാല രജിസ്ട്രാര്‍ ഡോ. മോത്തി ജോര്‍ജ് മുഖ്യാതിഥിയായി.
ഗ്രാമപഞ്ചായത്ത് പ്രസിഡന്റ്‌സ് അസോസിയേഷന്‍ പ്രസിഡന്റ് പി കെ ചന്ദ്രശേഖരന്‍ നായര്‍, ജില്ലാപഞ്ചായത്ത് അംഗം ആനിമോള്‍, ബ്ലോക്ക് പഞ്ചായത്ത് അംഗം മേരി ദേവസ്സിക്കുട്ടി, കുമ്പളങ്ങി പഞ്ചായത്ത് പ്രസിഡന്റ് സൂസന്‍ ജോസഫ്, ജില്ലാ മിഷന്‍ കോ-ഓര്‍ഡിനേറ്റര്‍ ടി എം റെജീന, അസിസ്റ്റന്റ് ജില്ലാ പ്ലാനിംഗ് ഓഫീസര്‍ ടി.എല്‍ ശ്രീകുമാര്‍, സാമൂഹ്യനീതി ഓഫീസര്‍ വി ജെ ബിനോയ്, സിഡിഎസ് ചെയര്‍പേഴ്‌സണ്‍ പൗളി ബേബി, കുടുംബശ്രീ അസിസ്റ്റന്റ് ജില്ലാമിഷന്‍ കോ- ഓര്‍ഡിനേറ്റര്‍മാരായ എം ഡി സന്തോഷ്, അമ്പിളി തങ്കപ്പന്‍,കെ ആര്‍ രജിത, കുടുംബശ്രീ ജില്ല പ്രോഗ്രാം മാനേജര്‍ പൊന്നി കണ്ണന്‍,അസിസ്റ്റന്റ് ജില്ലാമിഷന്‍ കോര്‍ഡിനേറ്റര്‍ കെ സി അനുമോള്‍ തുടങ്ങിയവര്‍ പങ്കെടുത്തു.
- Log in to post comments