നിയമസഭാ പുസ്തകോത്സവം: ക്വിസ് മത്സരം സംഘടിപ്പിക്കുന്നു

 
കേരള നിയമസഭാ അന്താരാഷ്ട്ര പുസ്തകോത്സവത്തിന്റെ മൂന്നാം എഡിഷന്റെ ഭാഗമായി ഹൈസ്കൂൾ, ഹയർസെക്കന്ററി, കോളേജ് (ബിരുദ - ബിരുദാനന്തര) വിദ്യാർഥികൾ, പൊതുജനങ്ങൾ എന്നിവര്‍ക്കായി ക്വിസ് മത്സരങ്ങൾ സംഘടിപ്പിക്കുന്നു. സ്ക്കൂൾ, കോളേജ് വിദ്യാർഥികൾക്കായി കണ്ണൂർ, കോഴിക്കോട്, എറണാകുളം, കോട്ടയം, തിരുവനന്തപുരം മേഖലകളിലായി പ്രാഥമിക മത്സരങ്ങളും നിയമസഭാ മന്ദിരത്തിൽ വച്ച് ഫൈനൽ മത്സരങ്ങളും നടത്തും.   പാലക്കാട്, തൃശൂർ, എറണാകുളം ജില്ലകൾ ഉള്‍പ്പെടുന്ന എറണാകുളം മേഖലയുടെ പ്രാഥമിക ക്വിസ് മത്സരം ഡിസംബർ അഞ്ചിന് എറണാകുളം കുസാറ്റില്‍ വെച്ച് നടക്കും. പൊതുജനങ്ങൾക്കായുളള പ്രാഥമിക, ഫൈനൽ മത്സരങ്ങൾ നിയമസഭാ മന്ദിരത്തിൽ വെച്ചാണ് നടക്കുക.  ഒരു സ്കൂള്‍/ കോളേജിൽ നിന്നും പരമാവധി രണ്ടു ടീമുകൾക്ക് വീതം പങ്കെടുക്കാം. കൂടുതൽ വിവരങ്ങൾ www.klibf.niyamasabha.org എന്ന വെബ്സൈറ്റില്‍ ലഭിക്കും.