കുടുംബശ്രീ ബഡ്സ് കലോത്സവം സമാപിച്ചു

കലയുടെ പുതിയ വാതിലുകൾ തുറന്ന കുടുംബശ്രീ ജില്ലാതല ബഡ്സ് കലോത്സവം- മൽഹാർ- സമാപിച്ചു.

 കലോത്സവത്തിന്റെ സമാപന സമ്മേളനം കാലടി ശ്രീശങ്കരാചാര്യ സംസ്കൃത സർവ്വകലാശാലയിൽ എറണാകുളം അസിസ്റ്റന്റ് കളക്ടർ അൻജീത് സിംഗ് ഉദ്ഘാടനം ചെയ്തു. ചലച്ചിത്രതാരം ബിനു അടിമാലി കലാപ്രതിഭകളെ ആദരിച്ചു. 

ഇളംകുന്നപ്പുഴ മഹാത്മ ബഡ്‌സ് റിഹാബിലിറ്റേഷൻ സെന്ററിലെ ജൈനി മരിയ കലാതിലകമായി. വേങ്ങൂർ ആശാഭവൻ ബഡ്‌സ് സ്പെഷ്യൽ സ്കൂളിലെ അനോയിന്റ് അരവിന്ദും നെടുമ്പാശ്ശേരി ബഡ്‌സ് സ്കൂളിലെ നന്ദു ഷാജിയും കലാപ്രതിഭ പട്ടം പങ്കിട്ടു.

ചടങ്ങിൽ കാലടി പഞ്ചായത്ത് പ്രസിഡന്റ് ഷൈജൻ തോട്ടപ്പിള്ളി അധ്യക്ഷനായി.

 കാലടി ശ്രീ ശങ്കരാചാര്യ സംസ്കൃത സർവ്വകലാശാല വൈസ് ചാൻസലർ ഡോ. കെ. കെ. ഗീതാകുമാരി, കെ-ഡിസ്‌ക് എക്സിക്യൂട്ടീവ് ഡയറക്ടർ റോബിൻ ടോമി എന്നിവർ മുഖ്യപ്രഭാഷണം നടത്തി .

സിഡിഎസ് ചെയർ പേഴ്സൺ പൗളി ബേബി, ജില്ലാ മിഷൻ കോ-ഓർഡിനേറ്റർ ടി എം റെജീന,കുടുംബശ്രീ അസിസ്റ്റന്റ് ജില്ലാ മിഷൻ കോ- ഓർഡിനേറ്റർമാരായ എം ഡി സന്തോഷ്, അമ്പിളി തങ്കപ്പൻ,കെ ആർ രജിത, കുടുംബശ്രീ ജില്ലാ പ്രോഗ്രാം മാനേജർ പൊന്നി കണ്ണൻ എന്നിവർ പങ്കെടുത്തു.