എം.എൽ.എ കപ്പ് 2025: ഡോൺ ബോസ്‌കോ എച്ച്.എസ്.എസ് വടുതല ജേതാക്കൾ.

ലഹരിക്കെതിരേ അഡിക്റ്റഡ് ടു ഫുട്ബോൾ എന്ന ആപ്തവാക്യവുമായി  

ടി.ജെ വിനോദ് എം.എൽ.എയുടെ നേതൃത്വത്തിൽ 

എറണാകുളം മഹാരാജാസ് കോളേജ് ഗ്രൗണ്ടിൽ സംഘടിപ്പിച്ച എം.എൽ.എ കപ്പ് 2025 സീസൺ 3 ഫൈനൽ മത്സരത്തിൽ കേന്ദ്രീയ വിദ്യാലയ പോർട്ട് ട്രസ്റ്റിനെ ഏകപക്ഷീയമായ ഒരു ഗോളിന് കീഴടക്കി ഡോൺ ബോസ്‌കോ എച്ച്എസ്എസ് ചാമ്പ്യമാരായി.

ഇന്നലെ രാവിലെ ഒന്നാം പാദ സെമിഫൈനൽ മത്സരത്തിൽ എളമക്കര ഗവ.എച്ച്.എസ്.എസിനെ പരാജയപ്പെടുത്തി കേന്ദ്രീയ വിദ്യാലയ പോർട്ട് ട്രസ്റ്റും രണ്ടാം പാദ സെമിഫൈനൽ മത്സരത്തിൽ എസ്.എച്ച്.സി.എം.ഐ പബ്ലിക്ക് സ്‌കൂളിനെ പരാജയപ്പെടുത്തി ഡോൺ ബോസ്‌കോ എച്ച്.എസ്.എസ് വടുതലയും ഫൈനൽ യോഗ്യത നേടിയിരുന്നു. വൈകിട്ട് വനിതകളുടെ പ്രദർശന മത്സരത്തിൽ എസ്.ആർ.വി സ്‌കൂൾ പച്ചാളം എൽ.എം.സി.സിയെ കീഴടക്കി വനിതാ വിഭാഗം ചാമ്പ്യന്മാരായി.

ടി.ജെ വിനോദ് എംഎൽഎയുടെ അധ്യക്ഷതയിൽ ചേർന്ന സമാപന സമ്മേളനം ജില്ലാ കളക്ടർ എൻഎസ്കെ ഉമേഷ് ഉദ്ഘാടനം ചെയ്തു. വിജയികൾക്കുള്ള ട്രോഫിയും ക്യാഷ് അവാർഡും കേരള ഫുട്ബോൾ അസോസിയേഷൻ പ്രസിഡന്റ് നവാസ് മീരാൻ സമ്മാനിച്ചു. സമാപന സമ്മേളനത്തിൽ മുൻ ഇന്ത്യൻ ഫുട്ബോൾ താരവും കേരള പോലീസിൽ അസിസ്റ്റന്റ് കമാൻഡന്റുമായ കെ.എ അൻസൺ, മുൻ എംഎൽഎ ലൂഡി ലൂയിസ്, ചേരാനല്ലൂർ ഗ്രാമപഞ്ചായത്ത് പ്രസിഡന്റ് കെ.ജി രാജേഷ്, ബ്ലോക്ക് പഞ്ചായത്ത് പ്രസിഡന്റ് സരിത സനിൽ, ജില്ലാ ഫുട്ബോൾ അസോസിയേഷൻ സെക്രട്ടറി വിജു ചൂളക്കൽ, മുൻ മേയർ സൗമിനി ജെയിൻ, എൻ.വേണുഗോപാൽ, പി.ആർ റെനീഷ്, വി.കെ മിനിമോൾ ഡോ.പി.വി.ലൂയിസ്, മുഹമ്മദ് ഷിയാസ്, രാജു അഴിക്കകത്ത്, സ്മിത സ്റ്റാൻലി, ലിസ്സി വാര്യത്ത്, ആന്റണി കുരീത്തറ, സീന ടീച്ചർ, മിനി വിവേര, രജനി മണി, മനു ജേക്കബ്, മാലിനി കുറുപ്പ്, വി.കെ മിനിമോൾ, ശാന്ത വിജയൻ, സക്കീർ തമ്മനം, ലതിക ടീച്ചർ, ജോഷി പള്ളൻ, ജോസഫ് ആന്റണി, ആന്റണി കലൂർ, ടെൻസൺ ജോൺ, ഒ.ഡി.സേവ്യർ, ജെസ്ലിൻ ആൻ്റണി, സിജോ ജോസഫ്, സഫൽ വലിയവീടൻ തുടങ്ങിയവർ പങ്കെടുത്തു.