കരുതലും കൈത്താങ്ങും : തൃശൂർ താലൂക്കിൽ 21 പേർക്ക് റേഷൻ കാർഡ് മാറ്റി നൽകി

ടൗൺഹാളിൽ നടത്തിയ കരുതലും കൈത്താങ്ങും തൃശൂർ താലൂക്ക് അദാലത്തിൽ 21 പേർക്ക് അർഹ വിഭാഗത്തിലേക്ക് റേഷൻ കാർഡ് മാറ്റി നൽകി. പത്തുപേർക്ക് ചുവപ്പ് ബിപിഎൽ റേഷൻ കാർഡ് അനുവദിച്ചു നൽകി. 11 അപേക്ഷകർക്ക് മഞ്ഞ എ എവൈ റേഷൻ കാർഡും വിതരണം ചെയ്തു. ഗുരുതര രോഗം ബാധിച്ച പൊതുവിഭാഗം കാർഡുകളാണ് ചുവപ്പ് മുൻഗണനാ വിഭാഗത്തിലേക്ക് മാറ്റി നൽകിയത്. ഗുരുതര രോഗമുള്ളതും ഒറ്റയ്ക്ക് താമസിക്കുന്നതുമായ വിധവകൾക്കാണ് മുൻഗണനാ കാർഡ് എ എവൈ അന്ത്യോദയ റേഷൻ കാർഡാക്കി മാറ്റി നൽകിയത്.